Archipèla dau Frieu
L'archipèla dau Frieu es un ensemble d'illas situadas a aperaquí 2,7 km au larg dau quartier d'Endome, a Marselha. Es compausada de quatre illas, l'ensemble fasent 200 ectaras. Leis illas representan un dels 111 quartiers de Marselha restacat au 7en arrondiment de Marselha.
ToponimiaModificar
Lo mot provençau Frieu, significa un pas maritim estrech. Aicí lo braç de mar que separa lei doas illas Pomegue e Ratonèu donèt per extension son nom ais illas de l’archipèla. Vèn dau latin fretum e a ges de liame etimologic amb la província italiana de Friol (fr. Frioul[1]) que son nom a eu deriva dau latin Forum Iulii (tot parier de la vila de Frejus).
De fach, la grafia francesa es la representacion exacta de la prononciacion autentica /friw/. Sabèm que s’escriguèt en francés Friou sus lei mapas fins a 1921[2]. La “l” finala es una ipercorreccion coma dins “renault” /reno/ e “iou” vòu rendre /iw/. Lei francofòns an de dificultats per prononciar aqueu son e de mai en mai s’ause dire /fri’ul/*.[3]