Illa
Una illa o isola (cultisme)[1][2] es una extension de tèrra completament enrodada d'aiga, siá de la mar, del riu (ribièra o flume) o d'un lac. Un conjunt d'illas pròchas geologicament e geograficament es anomenat «archipèla».
Los continents se distinguisson de las illas de per lor superficia netament superiora. Las illas son donc de superficia variabla, de qualques mètres carrats a de milions de quilomètres carrats coma per exemple Groenlàndia.
Etimologia modificar
Lo mot «illa» es eissit del latin *insŭla el meteis derivat del proto-italic *enselā. Aquí una lista de las variantas dialectalas:
| Dialècte | Varianta |
|---|---|
| Auvernhat | illa, inla, isla (rar) |
| Gascon | isla, ièrla/gèrla,[3] iscla |
| Lengadocian | illa, iscla |
| Lemosin | isla, ilha |
| Provençal | illa, iscla |
| Vivaroalpenc | iscla, illa, isola. |
| fonts: Dicod'Òc. | |
Nòtas e referéncias modificar
- ↑ Ísola es una forma alternativa.
- ↑ (fr) Institut de Filologia romanica de l'Universitat de Munic. Dictionnaire de l'occitan médiéval [Diccionari de l'occitan medieval]. www.dom-en-ligne.de.
- ↑ En aranés, la paraula «ièrla» es lo nom dels prats fertils que i a al costat de la ribièra.