Escuelh
Un escuelh (var. arròca, ecuelh, escuèlh, estèu, rastèir, ròca, sec, somal[1]) es un relèu marin que constituís un perilh per la navegacion. N'existís plusors tipes que van de la cima sosmarina situada a mens de 20 mètres de la superficia de l'aiga a l'illa pichona de quauquei desenaus de mètres d'altitud. Per aquela rason, pòdon èsser l'objècte d'una sinhalisacion (far, gavitèu...). La localizacion precisa deis escuelhs es tanben un aspècte major de la cartografia sosmarina. Pasmens, gràcias a sei partidas emergidas ò pauc prefondas, leis escuelhs son tanben de zònas importantas per l'ecologia locala car pòdon assostar un nombre important d'espècias vegetalas (algas...) e animalas (peis, coraus, aucèus...).
