Antartic Occidentau
L’Antartic Occidentau o Antartida occidentala es una dei doas regions principalas d'Antartida. S'estend entre l'Ocean Pacific e lei Monts Transantartics e es principalament compausat de la Tèrra Marie Byrd, de la Tèrra d'Ellsworth e de la Peninsula Antartica. Es en partida separat dau rèsta dau continent per la Mar de Ross e per la Mar de Weddell. Lo tèrme es aparegut au començament dau sègle XX mai foguèt adoptat per lei geografs dins lo corrent deis ans 1950-1960. Es una region cubèrta per una calòta polara espessa e enviroutada per de barrieras de glaç. Pasmens, en causa dau rescaufament climatic, una partida importanta d'aquelei glaç son en cors de destabilizacion.
