Indlandsis
Un indlansis tanben sonat calòta polara[1], es un glacièr de fòrça granda estenduda que se presenta jos la forma d'una capa de glaç recobrissent la tèrra ferma e que pòt aténher plusors milièrs de mètres d'espessor. Se pòdon perlongar a la superfícia de la mar en formant de barrièras de glaç. Sus Tèrra, ne'n existís pas que dos al jorn de uèi : l'indlandsis d'Antartida, lo mai estendut, e l'indlandsis de Groenlàndia, mas pendent la darrièra glaciacion l'indlandsis Laurentidian cobrissiá la màger part de Canadà e de l'America del Nòrd. Amb la glaciacion de Wisconsin, l'indlandsis cobriguèt lo nòrd d'Euròpa. Lo glacièr continental de Patagònia cobriguèt de glaç lo sud d'America del Sud.
![](http://upload.wikimedia.org/wikipedia/commons/thumb/c/c2/Greenland_Ice.svg/220px-Greenland_Ice.svg.png)
Malgrat que la superfícia d'un indlandsis siá freda, la basa es generalament mai cauda per encausa de la calor geotermala. En d'unes endreches lo glaç se fond e lubrifica lo glacièr continental que aital raja mai lèu. Aquel procès dona luòc a la formacion de corrents de glaç.
Los indlandsis actuals son joves en tèrmes geologics. Lo d'Antartida se comencèt benlèu de formar a l'Oligocèn mas amb d'avançadas e recuoladas fins al Pliocèn Lo de Groenlàndia se formèt pas] abans lo Pliocèn.
Efièches previstes dins lo cas del rescalfament global
modificarLos indlandsis de Groenlàndia e probablament tanben lo de l'Antartida an perdut fòrça glaç recentament, e la fusion del glaç i supèra l'acumulacion de nèu. Segon los scientifics (IPCC) la pèrda de glaç d'aquelas doas grandas massas a contribuit respectivament a un aumentacion del nivèl de la mar de 0.21 ± 0.35 e 0.21 ± 0.07 mm/an entre 1993 e 2003.[2]
Vejatz tanben
modificarReferéncias
modificar- ↑ à la différence d'une calotte glaciaire, dont la surface est moins importante.
- ↑ Richard B. Alley Te a
Ligams extèrnes
modificar- United Nations Environment Programme: Agach global pel gèl e la nèu
- http://Www.nasa.gov/vision/earth/environment/ice_sheets.html