Amanita ovoidea
|
Amanita ovoidea
| |
|---|---|
| |
| Classificacion sistematica | |
| Règne | Fungi |
| Division | Basidiomycota |
| Classa | Homobasidiomycetes |
| Sosclassa | Agaricomycetidae |
| Òrdre | Agaricales |
| Familha | Amanitaceae |
| Espècia | Amanita ovoidea |
Amanita ovoidea (noms vernaculars : amanita ovoïda, oronge blanca) es un campairòl de la familha deis Amanitaceae e dau genre Amanita.
Descripcion modificar
Es un campairòl blanc de talha granda. Lo capèu es espés e a un diamètre de 15 a 30 cm (fins a 40 cm dins de cas extrèms). A un aspècte sovent floquejant en causa de la preséncia de rèstas de la vòlva. En leis especimens joves, sa superficia superiora es lusenta. Lei lamelas son sarradas e blancas. Pòdon prendre una color ròse clar en se fasent vièlhas. Lo pe es espés, d'una autor de 15 a 20 cm. A un anèu, fragil e cremós, que disparéis aisament se lei condicions meteorologicas son desfavorablas. Coma per leis autreis amanitas, leis espòras de l'amanita ovoïda son blancas.
Ecologia modificar
L'amanita ovoïda es associada amb lei pins e, mens frequentament, amb lei fuelhós dei regions cauquieras. Es fòrça frequenta dins lei regions mediterranèas de l'estiu a l'autona.
Comestibilitat modificar
L'amanita ovoïda es un comestible mediòcre. Per aquela rason, sa culhida es desconselhada en causa dau risc de confusion amb d'amanitas blancas mortalas.
Confusion modificar
De riscs de confusion existisson amb d'autreis amanitas blancas. L'espècia pus pròcha es Amanita proxima, una espècia mortala qu'a egalament un aspècte floquejant e cremós. Pasmens, de confusions son possiblas amb d'amanitas coma Amanita verna e Amanita virosa que son pus pichonas.
Annèxas modificar
Liames intèrnes modificar
Bibliografia modificar
- (fr) Jean-Marie Polèse e Christian Deconchat, Champignons. L'encyclopédie, Editions Artemis, 2002, p. 436.
- (fr) Gérard Houdou, Champignons de nos régions, Editions de Borée, 2005, p. 147.