Aerodinamica
L’aerodinamica es una branca de la mecanica dei fluids qu'estúdia leis escolaments d'aire e seis efiechs sus leis objèctes solids. Es presenta dins certanei domenis coma la construccion dei naviris e dei molins de vent dempuei l'Antiquitat. Pasmens, l'aerodinamica modèrna es apareguda durant la premiera mitat dau sègle XVII amb l'emergéncia de la mecanica classica. Uei, es venguda una disciplina importanta dins mai d'un camp tecnic e scientific coma l'estudi dau desplaçament dei veïculs (automobilas, trens, avions... etc.), dau foncionament de sistèmas de propulsion ò de produccion d'energia, de la resisténcia dei construccions susceptiblas de faciar de vents violents... etc.
