Abadiá de Silvacana

L'Abadiá de Silvacana es una abadiá cisterciana situada sus lo territòri de la vila provençala de La Ròca d'Antarron dins lo nòrd-èst dau departament dei Bocas de Ròse. Foguèt fondada en 1144 per Bernard de Clairvaux. Ambé leis abadiás cistercianas de Senhanca e dau Toronet, fa partida dei tres sòrres provençalas.

Gràcias a la proteccion dei còmtes de Provença, se desvolopèt rapidament fins a son pilhatge en 1358 per lo senhor d'Aubinhan e una crisi agricòla grèva en 1364 entraïnada per de geladas fòrça importantas que destruguèron lei recòltas de rasim e d'olivas. Ansin, acomencèt lo declin de l'abadiá fins a la destruccion dau monastèri per una venguda deis aigas de Durença en 1440. En 1450, l'abadiá foguèt annexada au capítol de la catedrala d'Ais de Provença.

Venguèt la glèisa de la parròquia de La Ròca d'Antarron au sègle XVI. Endomatjada per lei combats dei guèrras de Religion, lei bastiments foguèron abandonats a la fin dau sègle XVIII e venduts coma bens nacionaus durant la Revolucion Francesa. Foguèron utilizats per d'activitats agricòlas fins au sègle XX. En 1949, l'Estat crompèt lei bastiments e acomencèt de trabalhs de restauracion.

Liames intèrnes modificar

Bibliografia modificar

Nòtas e referéncias modificar