(588) Achilles

(588) Aquilles es un asteroïde troian de Jupitèr que se situa pròche lo ponch de Lagrange L₄ de l'orbita de la planeta. Descubèrt en 1906, es lo premier asteroïde conegut que fa partida d'aquela classa. Aquò permetèt de confiermar l'existéncia deis asteroïdes troians qu'èra estada supausada per lei calculs de Joseph-Louis Lagrange sus lei problemas de tres còrs. D'un diamètre de 130 a 135 km, es lo quatren ò lo seisen asteroïde troian pus important de Jupitèr.

Istòria modificar

L'existéncia d'objèctes situats ai ponchs de Lagrange de l'orbita de Jupitèr foguèt prevista tre 1772 per lo matematician francés Joseph-Louis Lagrange (1736-1813). Pasmens, la confiermacion d'aquela teoria aguèt solament luòc en 1906 amb la descubèrta d'Aquilles, lo 22 de febrier, per l'astronòm alemand Max Wolf (1863-1932) e lo calcul de sa trajectòria per lo Suedés Carl Charlier (1862-1934). L'asteroïde recebèt lo nom d'Aquilles. Dins lo corrent deis ans seguents, lei descubèrtas de (617) Patròcle e de (624) Ectòr creèron la tradicion de donar lo nom d'eròis de la Guèrra de Tròia ais asteroïdes situats ai ponchs de Lagrange de Jupitèr. Aquò es a l'origina dau tèrme asteroïde troian qu'es utilizat per designar aqueu tipe d'objèctes.

Orbita e caracteristicas modificar

Esquèma generau dau Sistèma Solar mostrant la cencha principala e leis asteroïdes troians de Jupitèr.

Aquilles orbita lòng de l'orbita de Jupitèr en demorant a proximitat dau ponch de Lagrange L₄. Fa donc lo torn dau Soleu en 11 ans e 11 mes en seguissent una trajectòria elliptica (e = 0,15) que se situa entre 4,44 e 5,97 ua.

Lei mesuras fotometricas mòstran una forma esferica e un diamètre compres entre 130,1 e 135,5 km^[1]^[2]. La superficia es sorna car son albedo es estimat entre 0,032 e 0,043. Per lo rèsta, Aquilles es un objècte quasi desconegut que sa talha empedís una observacion dirècta per lei telescòpis. De mai, ges de sonda espaciala es passada dins lo sector dei ponchs de Lagrange jovians.

Annèxas modificar

Liames intèrnes modificar

Bibliografia modificar

Nòtas e referéncias modificar

↑ T. Grav, A. K. Mainzer, J. M. Bauer, J. R. Masiero e C. R. Nugent, « WISE/NEOWISE Observations of the Jovian Trojan Population: Taxonomy », The Astrophysical Journal, vol. 759, n° 1, 2012, p. 10.
↑ Fumihiko Usui, Daisuke Kuroda, Thomas G. Müller, Sunao Hasegawa, Masateru Ishiguro, Takafumi Ootsubo et al., « Asteroid Catalog Using Akari: AKARI/IRC Mid-Infrared Asteroid Survey », Publications of the Astronomical Society of Japan, vol. 63, n° 5, 2011, pp. 1117-1138.

[1] T. Grav, A. K. Mainzer, J. M. Bauer, J. R. Masiero e C. R. Nugent, « WISE/NEOWISE Observations of the Jovian Trojan Population: Taxonomy », The Astrophysical Journal, vol. 759, n° 1, 2012, p. 10.

[2] Fumihiko Usui, Daisuke Kuroda, Thomas G. Müller, Sunao Hasegawa, Masateru Ishiguro, Takafumi Ootsubo et al., « Asteroid Catalog Using Akari: AKARI/IRC Mid-Infrared Asteroid Survey », Publications of the Astronomical Society of Japan, vol. 63, n° 5, 2011, pp. 1117-1138.

[1]

[2]