Troian (astronomia)

Un troian es un asteroïde ò un satellit naturau qu'orbita a proximitat dei ponchs de Lagrange L4 ò L5 d'un sistèma de doas massas (generalament lo Soleu e una planeta). Prevista tre 1772 per Joseph-Louis Lagrange (1736-1813), son existéncia foguèt confiermada en 1906 ambé la descubèrta de l'asteroïde (588) Achille.

Esquèma generau dau Sistèma Solar mostrant la cencha principala e leis asteroïdes troians de Jupitèr.

Dins lo Sistèma Solar, la màger part dei troians coneguts se situan lòng de l'orbita de Jupitèr. Segon la nomenclatura tradicionala, recebèron de noms eissits de la mitologia grèga. Lo grop situat a l'entorn dau ponch L4 venguèt aqueu dei « Grècs » e aqueu situat a l'entorn dau ponch L5 aqueu dei « Troians ». Pasmens, de troians son estats identificats per Vènus, per la Tèrra, per Mart, per Uranus e per Neptun. La preséncia de troians lòng de l'orbita de Saturne sembla pas possibla en causa dei perturbacions gravitacionalas de Jupitèr.

Liames intèrnes modificar

Bibliografia modificar

Nòtas e referéncias modificar