Sonda espaciala
Una sonda espaciala es un veïcul espaciau sensa equipatge destinat a l'estudi d'objèctes celestiaus. Aparegut en 1959 amb lo programa sovietic Luna, aqueu tipe de veïcul presenta de caracteristicas fòrça variablas segon la mission prevista. Generalament, una sonda embarcada un sistèma de comunicacion amb la Tèrra, un sistèma de motorizacion, d'instruments d'observacion e d'instruments de mesura scientifica. Lei missions pus complèxas pòdon tanben contenir de sondas autonòmas ò de sistèmas permetent d'aterrar sus un objècte, d'estudiar sa superficia e de mandar de mòstras vèrs la Tèrra.
