Vent catabatic
Un vent catabatic es un vent gravitacionau engendrat per lo desequilibri d'una massa d'aire refrejada, e donc venguda pus densa, que devala un relèu geografic. Una inversion de temperatura en altitud, un gradient de temperatura de pression feble e, generalament, la preséncia d'una depression en avau son necessaris per entraïnar sa formacion. L'acceleracion de la massa d'aire freja pòu èsser fòrça importanta. Dins lei regions polaras, onte leis obstacles son rars, lei vents catabatics pòdon agantar de velocitats de l'òrdre de 200 km/h. Pasmens, lo fenomèn es tanben observat dins lei regions temperadas. Per exemple, en Occitània, lo mistrau pòu aver una origina catabatica quand, d'ivèrn, lei massas d'aire freg presentas en Vivarés tomban dins la vau de Ròse.
Liames intèrnes
modificarBibliografia
modificar- (en) T. L. McKnight e D. Hess, « Katabatic Winds », dins Physical Geography: A Landscape Appreciation, Prentice Hall, 2000, pp. 131-132.