Union Latina
L'Union Latina es una organizacion internacionala fondada en 1954 per promòuvre l'eiretatge culturau e leis identitats dei pòbles de lengas romanicas. Lei critèris d'intrada dins l'organizacion son l'utilizacion d'una lenga romanica coma lenga oficiala, lenga d'ensenhament e lenga de la vida videnta, l'existéncia d'una activitat linguïstica importanta dins una ò unei lengas romanicas (literatura, premsa, television, radiò), un eiretatge dirècte ò indirècte de la Roma antica e lo respèct dei libertats e dei drechs umans fondamentaus. Operacionala a partir de 1983, l'Union Latina passèt de 12 a 36 estats membres e 4 estats observators. Pasmens, seis activitats foguèron suspendudas lo 31 de julhet de 2012 en causa de problemas financiers.
