Tresaur dels catars

Lo tresaur dels catars o de Montsegur designa las ipoteticas sèrvas monetàrias de la Glèisa catara assetjada que l’auriá plaçat a l’abric abans la reddicion del castrum de Montsegur puèi carrejat cap a las Glèisas sòrres d'Itàlia.

Lo tresaur

Al sens medieval del tèrme, un tresaur es pas qu’una sèrva monetària, sens pas cap resson misteriós. La Glèisa catara, que las comunautats religiosas, individualament pauras, trabalhavan, avián de fons de gerir. Aquestas sèrvas permetavan d'assegurar sa subrevida e sas bonas òbras, de crompar las matèrias primièras de l'artisanat comunautari, de far copiar de Bíblias e, en periòde de persecucion, de pagar de protectors e de passaires.

De publicacions esotericas i cerquèron un objècte misteriós, lo Grasal, o tanben d’inedits de Platon...

L'istòria d'un mite

Lo tresaur dels Catars es sempre una font d'inspiracion pels romancièrs especializats dins las enigmas istoricas, e contribuiguèt fòrça a de legendas diferentas que se crean amb lo temps. Sovent foguèt afirmat qu'a la velha de l'ataca del castèl de Montsegur, unes cavalièrs serián partits amb lo Grasal, de pergamins e d'autres objèctes precioses, per anar los plaçar a l’abric.

Foguèt avançada l'idèa que serián anats en Itàlia rejónher un fèu catar, o que serián partits dins una plaça fòrta a l’entorn ocupada per de Templièrs, de tal biais qu’uèi encara, pas cap sap s’aqueste tresaur catar es un mite o una realitat, coma es tanben lo cas per la legendària fortuna dels Templièrs o encara mai recentament, per l'estranh afar de Rènnas del Castèl ont l'abat Beranguièr Saunièra auriá descobèrt en 1885 un fabulós magòt.

Vejatz tanben

• Antonin Gadal
• Crosada dels albigeses
• Sètge de Montsegur
• Aur de Tolosa

Bibliografia e fonts

Assags

• Charles Peytavie, « Le trésor des cathares : mythes et réalité », Histoire du catharisme, le magazine des hérésies et des dissidences, n° 1, été 2006, p. 22-25.
• Marie-Carmen Garcia et Williams Genieys, L'invention du Pays Cathare : essai sur la constitution d'un territoire imaginé, L'Harmattan, 2005, 140 p. ISBN: 2-7475-8312-0
• Centre d'études cathares de Carcassonne, Cathares : au-delà des mystères, SPH, Nice, 2003, 234 p. ISBN: 2-9519750-0-7
• Jean Duvernoy Maxime Lacaze, Le trésor des cathares : la solution de l'énigme, éditions du Génie, Toulouse, 1996
• Michel Roquebert, « Le trésor de Montségur », dans Montségur, la mémoire et la rumeur. 1244-1994, Actes du colloque de Foix d’octobre 1994, Archives départementales de l’Ariège, Foix, 1994.

Ficcion

• Daniel Bareste, Le Trésor des cathares : roman, Éd. La Bruyère, Paris, 1988, 268 p.
• Louis-François Claro, Le trésor des cathares, L.-F. Claro, Oye-et-Paillet, 2004, 158 p. ISBN: 2-9523403-0-7
• Liliane et Fred Funcken, Didier Convard, Le Chevalier blanc : le trésor des cathares, Hélyode, Bruxelles, 1994, 47 p. ISBN: 2-87353-066-9 (bande dessinée)
• Emmanuel de Careil - "Le Trésor des Cathares, Rennes-le-Château ou Montségur ?" - éditions Libre 2 Lire - Mars 2019 - 396 pages - ISBN 978-2-490522-08-8 (enquête historique romancée).

Film

• Scott Free Productions, Labyrinthe, 2011, Adaptation du roman historique "Labyrinthe" écrit en 2005 par Kate Mosse.

Ligams extèrnes

• Site presentant de bendas dessenhadas sul catarisme e lo tresaur de Montsegur.