Thrash metal

Au començar dels ans 80, navèths grops qu'apareishen qui hèn ua musica on se mesclan influéncias heavy metal (com Iron Maiden, Black Sabbath o Judas Priest) e punk (Exploited...). los purmèrs discs d'aqueth estil que son los de Metallica (los purmèrs), Slayer, Venom, Kreator, Megadeth etc... Quauques critics especializats que considèran que Trust estó lo purmèr grop thrash vist qu'èran a l'encòp un grop casi "punk" dab ua musica simpla e agressiva e paraulas engatjadas e un grop de hard rock dab un guitar-hero.

Musica

Lo vèrbe "to thrash" que significa "trucar" en anglés. Lo nom de l'estil que vien donc de la faiçon de jogar agressiva deus trucaires. Qu'utilizan sovent ritmes binaris hòrt simples e rapides mes pas enqüèra los "blastbeats" qui haràn los trucaires de death metal o de black metal. Quan lo ritme n'ei pas rapide qu'ei sovent hòrt marcat e binari, a còps marciau . Aqueths trucaires qu'exploraràn tanben las possibilitats de las doblas gròssas caishas e de las doblas pedalas.

Los guitarristas de thrash qu'an ua predileccion peus ritmes simples dab acòrds de puishença (o powerchords) e que'us agradan tanben los soli. Entà seguir la rapiditat de la bateria, que hèn sovent anar-tornars rapides dab lo mediator. Quauques uns qu'an un nivèu tecnic hòra deu comun e qu'aiman d'ac har vàler.

Enfin lo cant "thrash" que pòt estar cridat (véder l'article vocaus) o melodic. Dens aqueste segond cas que parlam meilèu de heavy thrash o power thrash.

Vejatz tanben

Portal de la musica

Portal del rock