Iron Maiden

Iron Maiden (La verge de fèrre) es un grop de heavy metal britanic, originari de Londres (Anglatèrra). Lo grop es estat format en decembre de 1975 pel bassista Steve Harris, rejonch lèu-lèu pel guitarrista Dave Murray. Pionièrs de la new wave of British heavy metal (NWOBHM, la novèla èrsa del heavy metal britanic de las annadas 80), Iron Maiden es un dels gops mai coneguts d'aqueste estil e a vendut mai de cent milions d'albums.

Iron Maiden sus l'empont. En decòr, lor mascòta Eddie amb dins sas mans la bandièra britanica

Lo bassista Steve Harris, fondator de Iron Maiden

Dave Murray, guitarrista de Iron Maiden

Bruce Dickinson, lo mai conegut dels cantaires de Iron Maiden

Lo nom del grop, la verge de fèrre, fa referéncia a un instrument de tortura de l'Edat Mejana.

Eddie, la mascòta de Iron Maiden, es una mena d'esqueleta zòmbi imaginat pel dessenhaire Derek Riggs. A causa d'aquesta imatjariá macabra, tant del nom coma de la mascòta e pr'amor d'unes dels tèxtes ambe referéncias a la Bíblia, Iron Maiden es sovent estat acusat de satanisme, çò que los sòcis del grop an totjorn recusat.

Iron Maiden a sovent cambiat de cantaire, sustot au començament. Dempuèi 1978 i aguèt pas mens de tres cantaires diferents, Paul Di'Anno entre 1978 e 1981, Blaze Bailey entre 1994 e 1999, e plan solide Bruce Dickinson, qu'es considerat coma lo cantaire emblematic de Iron Maiden, dintrat dins lo grop en 1981. A la batariá, aprèp fòrça cambiaments au començament del grop, la formacion s'es estabilizada ambe Nicko McBrain a partir de 1982. Michael Kenney, el, es vengut lo jogaire de clavièrs de Iron Maiden en 1988.

Ja populars dins lo mitan del hard ròck au Reialme Unit tre lo començament de las annadas 80, lor tresen album que sortís en 1982, The Number of the Beast, e lo primièr enregistrat amb Bruce Dickinson coma cantaire, va cambiar lor carrièra, vist que non solament es n°1 de las vendas de disques en Anglatèrra, mas en mai d'aquò e se vend fòrça plan a l'internacional (Estats Units, França...). Los títols The Number of the Beast, Run to the Hills e sustot Hallowed Be Thy Name son aital venguts de classics del repertòri de Iron Maiden, jogats dins cada concèrt.

Dètz ans aprèp The Number of the Beast, Iron Maiden sortís en 1992 un autre album qu'a marcat lo ròck, lo famós Fear of the Dark, que s'es vendut a un mai d'un milion d'exemplaris capvath lo monde entièr tre la setmana de sa sortida, el tanben n°1 de las ventas de disques en Anglatèrra. Conten los singles Be Quick or Be Dead, From Here to Eternity e Wasting love, e sustot doas cançons vengudas emblematicas de la discografia de Iron Maiden : Afraid to Shoot Strangers e Fear of the Dark.

Pr'aquò, en 1994, Bruce Dickinson se tira per se lançar en solitari. Es remplaçat au cant per Blaze Bayley dincas en 1999, vist que fin finala, Bruce Dickinson torna coma cantaire de Iron Maiden aprèp aquesta parentèsi de cinq ans.

En 2003, Iron Maiden enregistra l'album Dance of Death que conten Montségur, un tròç a prepaus de la Crosada dels albigeses.

Lor cançon Hallowed Be Thy Name es estada represa en 1998 pel grop britanic de black metal Cradle of Filth.

Discografia

• 1980: Iron Maiden
• 1981: Killers
• 1982: The Number of the Beast
• 1983: Piece of Mind
• 1984: Powerslave
• 1986: Somewhere in Time
• 1988: Seventh Son of a Seventh Son
• 1990: No Prayer for the Dying
• 1992: Fear of the Dark
• 1995: The X Factor
• 1998: Virtual XI
• 2000: Brave New World
• 2003: Dance of Death
• 2006: A Matter of Life and Death
• 2010: The Final Frontier
• 2015: The Book of Souls
• 2021: Senjutsu

Cançons mai conegudas

• Run to the Hills (1982)
• Hallowed Be Thy Name (1982)
• The Number of the Beast (1982)
• The Trooper (1983)
• 2 Minutes to Midnight (1984)
• Can I Play with Madness (1988)
• Bring Your Daughter... to the Slaughter (1990)
• Be Quick or Be Dead (1992)
• Afraid to Shoot Strangers (1992)
• Fear of the Dark (1992)
• From Here to Eternity (1992)
• Wasting Love (1992)
• Man On The Edge (1995)
• The Wicker Man (2000)
• Wildest Dreams (2003)
• Montségur (2003)