Tasmanian

Lei lengas tasmanianas o lo tasmanian son lei lengas autoctònas parladas per leis aborigèns de l'illa de Tasmania. Utilizadas dins la vida jornadiera fins ais ans 1830, declinèron rapidament durant lo rèsta dau sègle XIX. Dispareissèron en 1905 amb la mòrt de Fanny Cochrane Smith (1834-1905), la darriera locutritz conoissuda. Lor classificacion es problematica car es dificil d'establir lor ligam amb lei lengas deis Aborigèns australians. Lo nombre de lengas diferentas parladas per leis Aborigèns de Tasmania es ansin pas conoissut. Pasmens, entre 30 e 40 listas de mots tasmanians son estats conservats e, en 1992, un programa foguèt iniciat per assaiar de construrre una lenga tasmaniana veïculara, lo palawa kani, dins l'encastre d'un programa de recuperacion lingüistica finançat per lo Commonwealth.

Fanny Cochrane Smith (1834-1905), darriera locutritz conoissuda d'una lenga tasmaniana.

Liames intèrnes

• Aborigèns d'Austràlia.
  • Aborigèns de Tasmania.
• Lengas per familha.
• Tasmania.

Bibliografia

• Christopher D. Berk, « Palawa Kani and the Value of Language in Aboriginal Tasmania », Oceania, vol. 87, n° 1, 2017, pp. 2–20.
• J. Milligan, Vocabulary of the Aboriginal Tribes of Tasmania, vol. III of the Papers and Proceedings of the Royal Society of Van Dieman's Land, Hobart, 1859.