Palawa kani
Palawa kani es una lenga construita, un projècte de crear una lenga generica que semblariá a las lengas atudadas autrescoòps parladas pels aborigèns tasmanians (Palawa).
Istòria
modificar
Las lengas tasmanianas originalas s'atudèron en 1905 quora lo darrièr locutor natiu defuntèt. Dins l'encastre del reviscòl de la cultura tasmaniana originala, d'esfòrces foguèron fait per tornar construire una lenga per la comunautat indigèna. Pr'amor de l'escassetat del material, Palawa kani es estat bastit coma una composicion de las diferentas lengas originalas.
Theresa Sainty e Jenny Longey foguèron los dos primièrs language workers de trabalhar sul projècte en 1999.
Fonts
modificarLo projècte empleguèt divèrsas fonts coma:
- lo jornal de George Augustus Robinson
- lo jornal de l'expedicion francesa d'd'Entrecastèus de 1793
- las tièras de mots compilats per Brian Plomley
- los enregistraments de Fanny Cochrane Smith, una de las darrièras parlaira nativa
Una autra font de material per lo projècte foguèt lo saber de la comunautat ont un nombre susprenent de mots, frasas e tròces de tradicion an subreviscut. Lo projècte de reconstruccion fa servir tanben de donadas lingüisticas de las lengas nativas del continent quora fa mestièr.