Strategikon
Lo Strategikon es un manuau d'estrategia e de tactica militaras qu'es generalament atribuit a l'emperaire Maurici (582-602). Son objectiu èra de codificar lei reformas militaras introduchas per l'emperaire durant son rèine. Es format de 12 capítols que tractan principalament dei tacticas e dei formacions de cavalariá mai estudian tanben lo foncionament de l'infantariá, de la poliorcetica, dau tren de bagatge, de la marcha d'una armada, dau reglament intèrne de l'armada bizantina e deis enemics recurrents de l'Empèri (Francs, Lombards, Avars, Turcs e Eslaus).
