Sofia Myhailiuna Rotaru (en ucraïnian: Софія Михайлівна Ротару) es una de las cantairas mai famosas d'Ucraïna). Nasquèt a Marshyntsi, Chernivtsi Oblast, lo 7 d'agost de 1947) es d'origina moldava. A cantat fòrça cançons en ucraïnian, mas tanben en rus e en “moldau”. Foguèt una de las cantairas mai famosas de l'anciana URSS amb de cançons coma Червона рута ("ruda roja" en ucraïnian) o "Романтикэ" (Romantică) (en “moldau”).

Sas cançons son vengudas las cançons classicas de l'èra sovietica e pòstsovietica. Sofia participèt a sèt filmes musicals e comencèt en 1971 dins "Червона рута". Joguèt lo ròtle principal dins de filmes coma “Где ты, любовь?” (“Ont sès, amor?” en 1980) e “Душа” (“Arma” en 1981). A fach de viradas dins lo mond entièr amb de concèrts als Estats Units, en Asia, enEuròpa e en Austràlia. Sofia a recebut de dotzenas de prèmis, recompensas de tota mena e tanben de medalhas.

En 1986, foguèt la primièra cantaira de musica pòp que li foguèt autrejat lo títol prestigiós d'“artista del Pòble de l'URSS”.

Ligams extèrnes modificar