Sesshu Toyo

(Redirigit dempuèi Sesshū Tōyō)

Sesshū Tōyō (1420 - 26 d'aost de 1506) es un monge bodista e un pintre japonés dau sègle XV. Es un mèstre de la pintura suiboku, una tecnica de lavat realizada amb de tencha de China.

Autoretrach de Sesshū Tōyō.

Discípol dau pintre Shubun (1414-1463), realizèt un important viatge de dos ans en China vèrs 1467 que li permetèt de descubrir plusors documents e tèxtes teorics sus l'art de la pintura. Adoptèt ansin un estil inspirat per la pintura Song mai evitèt d'utilizar de corbas au profiech d'un trach negre e espés li permetent de traçar de linhas trencadas e de representar lo dinamisme deis objèctes. De mai, durant tota sa vida, assaièt de melhorar lei tecnicas de pintura.

Son òbra pus coneguda son lei Païsatges dei quatre sasons, pintats vèrs 1486 sus un rotlèu d'una longor de 15 m. Considerada coma un cap d'òbra de la pintura japonesa, mòstra leis influéncias chinesas de son estil mai lei tèmas presentats son clarament d'inspiracion nipona. Sesshū Tōyō aguèt una influéncia importanta sus lei pintres japonés dau sègle XVI coma Hasegawa Tōhaku (1539-1610).

GalariáModificar

 
Rotlèu dei Païsatges dei quatre sasons (vèrs 1486).

Liames intèrnesModificar

BibliografiaModificar

Nòtas e referénciasModificar