Rugbi de 7

Non confondre amb Rugbi de VII.

Lo rugbi de 7^[1] (en anglés, Rugby Sevens) es la varianta del rugbi de XV que se jòga per equipas de set jogaires sul camp (mai los remplaçants). Lo rugbi de 7 pren los caractèrs comuns del rugbi de XV: doas equipas que se disputan una bala ovala, jugat a la man (passas) o al pè (còps), de mena demesclada e de tocas, un objectiu qui consistís a marcar mai de punts que l'adversari realizant o d'ensag o de buts. Es de pas confondre amb lo Rugbi de VII que ven del Rugbi de XIII.

Lo rugbi de 7 es originari d’Escòcia e se desvolopèt dins la segonda mitat de sègle XX dins los païses anglosaxons (Sud-Africa, Nòva Zelanda, Austràlia, Reialme Unit), puèi en França. En 2009, lo rugbi de 7 venguèt un espòrt olimpic pels Jòcs olimpics de Rio de Janeiro de 2016^[2]. Austràlia (femnas) e las illas Fiji (òmes) se ganhan las primièras medalhas d'aur. La França es campiona en 2024

Istòria

Règlas

Mesclada de rugbi de 7

Çai-dejós, las notas entre parentèsis indican la version correspondanta del rugbi de XV.

Jogaires: I a 7 jogaires sul camp (15). Fòra son 5 remplaçants (7) e 3 remplaçaments possibles (8) al maxim son autorizat. Un jogaire remplaçat pòt pas tornar al jòc levat en cas de nafradura obèrta o al sang. Las mescladas se fan amb 3 abans per equipa. Coma al rugbi de XV, los jogaires son classificats per pòste: en linha abans, 2 pilars e 1 talonaire que forman la mesclada; en linhas arrièras, 2 mièg de mesclada e d'obertura, 1 centre, e un alièr-arrièr. Del fach que lo terren es lo meteis qu'a 15, la flaca densitat de jogaire fa lo jòc mai dinamic e los ensags fòrça mai frequents. E tanben, lo gabarit dels jogaire es mes massiu.

Temps de Jòc: Una partida se joga en doas miègtemps de 7 minutas (40) al mai de temps de jòc (non arrestat), amb una pausa d'1 minuta al mai (10 a 15) per cambiar de costat. Una finala de tornèg pòt durar 2 còps 10 min, amb al mens 2 min de pausa. En cas d'egalitat, aquel temps de jòcs es seguit d'una o mai perlongacions de 5 min fins a qu'una equipa ganha pels primirs punts marcats (ordinariament 2 perlongatcons de 10 min, puèi tirs al but).

Marca: Una transformacion se fa per còp de pè tombat (anglés drop goal), dins las 40 segondas (ordinariament per còp de pè plaçat). L'equipa que marca fa la remisa en jòc (es l'adversari que remet en jòc), per un drop goal que deu aténher la linha dels 10 mètres adverse. En perlongacions, los primièrs punts marcats determinan lo venceire final.

Arbitratge: I a un jutge d'en but per costat (los jutges de tòca van dins l'en but) qu'ajudat per un jutge de tòca signala lo passatge de penalitats e transformacions. Un jogaire exclusit temporariament per antijòc o jòc dangierós (carton jaune) n'est per una durada de 2 min (10 min): una tala suspension provòca una flaquesa fòrça grava de son equipa qu'1 jogaire sus 7 es exclusit (1 sus 15). La règla de l'avantatge es rapid, durant abitulament un temps de jòc (mai d'un). Nombre de penalitats seguent de fautas de jòcs se fan per un tir liure (free kick) del centre de la linha mediana (pròche del luòc de la fauta), causissent a la volada o en drop goal (en còp de pè placat). per un tir al but, aquò deu se far dins los 30 segondas (60 s)

Notas e referéncias

Notas

Referéncias

Annèxes

Articles connèxes

Bibliografia

Mike Williams, Rugby Sevens, Faber & Faber, 1975. ISBN 978-0-571-10679-0

Ligams extèrnes

[1] ttp://coteouvert.blogs.lequipe.fr/sec-a-sept/%7Csite=coteouvert.blogs.lequipe.fr

[2] JO : le golf et le rugby à VII olympiques en 2016

[1]

[2]