Robert Guédiguian
| Profession: | realizator actor productor scenarista |
|---|---|
| País: | Provença (.svg){kind=small} Occitània)
|
| Data de naissença: | 3 de decembre de 1953 |
| Luòc de naissença: | Marselha, Bocas de Ròse |
Robert Guédiguian es un realizator, actor, productor e scenarista de cinèma nascut lo 3 de decembre de 1953 a Marselha (Occitània)[1].
Biografia
modificarRobert Guédiguian nasquèt d'una maire alemanda, que parla la lenga, e d'un paire armenian. Evòca sas racinas pairalas dins Le Voyage en Arménie (Lo viatge en Armenia)(2006). Robert Guédiguian es eissit d’un mitan obrièr (son paire trabalhava suls dòcs de Marselha). S'interessèt fòrça lèu a las questions politicas e foguèt un temps militant del Partit Comunista. Comencèt d'etudis de sociologia a la facultat d’Ais.
Coma Marcèu Panhòl, René Allio o René Féret abans el, ancòra prigondament sos filmes dins una realitat socialat mesclada de militantisme. Sas òbras son marcadas per l'environament local e regional, subretot la vila de Marselha e lo quartièr de L'Estaca. Coma sos davancièrs, s'acompanha d'una equipa fidèla que fa partida de gaireben totes sos filmes. D'en primièr dins aquela tropa i a son esposa Ariane Ascaride qu'encontrèt a la facultat d'Ais e e que seguèt a París quand dintrèt al Conservatòri. Puèi acabada una tèsi, trabalhèt sus la demanda de René Féret al scenario de Fernand (1980). Decebut per la politica, vei dins lo cinèma un autre mejan de parlar de çò que lo pertòca, lo monde obrièr. Permetèt a Ariane Ascaride d'obtenir un César de la melhora actritz en 1998 per Marius et Jeannette, filme amb Gérard Meylan, Jean-Pierre Darroussin, Jacques Boudet, Pascale Roberts, e mai.
L’immigracion e lo quartièr de L’Estaca son los dos autres tèmas preferits del realizator. Se qualificant d'esperel de « cineasta de quartièr », sos filmes demorèron confidencials fins a À la vie, à la mort ! (1995) que lo faguèt sortir de l’ombra. Mas foguèt en 1997 que lo grand public lo descobrís amb Marius et Jeannette (1997) nomenat pels Césars del melhor realizator e del melhor filme. Mas son filme venent À la place du cœur (1998) faguèt un fracas. En 2000, realizèt La ville est tranquille (2000) que l'escur contrasta amb lo rèsta de sa filmografia, e metèt en scena Ariane Ascaride dins una pèça de teatre d’Évelyne Pieiller.
En 2002, Robert Guédiguian tornèt s'acompanhar de sos actors preferits, d'en primièr sa companha Ariane Ascaride, e encara un còp causiguèt Marselha per luòc de tornatge per Marie-Jo et ses deux amours (2001). Cineasta engatjat afirmèt «Mon filme es fòrça politic, sens dobte lo mai politic d'aqueles que faguèt. Sus un tèma romantic per excelléncia, mostrèt de personas empegadas dins una realitat que resistís, confrontadas al refús d’un ideal, de cossí son las causas».
Robert Guédiguian es un dels productors associats fondators d’Agat Films & Cie e d’Ex-Nihilo, societats que produguèron entre autres realizators : René Allio, Solveig Anspach, Jean-Christophe Averty, Dominique Bagouet, Lucas Belvaux, Didier Bezace, Luc Bondy, Peter Brook, Dominique Cabrera, Carolyn Carlson, Claire Devers, Olivier Ducastel e Jacques Martineau, Pascale Ferran, Piotr Fomenko, Jean-Claude Gallotta, Lucile Hadzihalilovic, Cédric Kahn, Tonie Marshall, Ariane Mnouchkine, Agnès Obadia, Christophe Otzenberger, Nicolas Philibert, Jean-Henri Roger, Ghassan Salhab, Pierre Salvadori, Claire Simon, Paul Vecchiali, Anne Villacèque, Jean-Jacques Zilbermann…
Engatjament politic
modificarEngatjat en politica, Robert Guédiguian aderís al Partit d'Esquèrra (PG) dempuèi sa fondacion, en novembre de 2008 e sosten la lista del Front d'Esquèrra a las eleccions regionalas francesas de 2010[2].
En 2011, sostenguèt publicament Jean-Luc Mélenchon candidat del Front d'Esquèrra a l'eleccion presidenciala francesa de 2012 [3].
Filmografia
modificar- 1980 : Dernier Été (Darrièr Estiu)
- 1985 : Rouge Midi (Roge miègjorn)
- 1985 : Ki lo sa ?
- 1989 : Dieu vomit les tièdes (Dieu vomit los tèbis)
- 1993 : L'argent fait le bonheur (L'argent fa lo bonaür)
- 1995 : À la vie, à la mort ! (A la vida, a la mòrt)
- 1997 : Marius et Jeannette (Marius e Joaneta)
- 1998 : À la place du cœur (A la plaça del còr)
- 2000 : À l'attaque ! (A l'ataca!)
- 2000 : La ville est tranquille (La vila es traquilla)
- 2002 : Marie-Jo et ses deux amours (Maria Jò e sos dos amants)
- 2004 : Mon père est ingénieur (Mon paire es engenhaire)
- 2005 : Le Promeneur du Champ-de-Mars (Lo passejaire del Camp de Mart)
- 2006 : Le Voyage en Arménie (Lo viatge en Armenia)
- 2008 : Lady Jane
- 2009 : L'Armée du crime (L'armada del crime)
- 2011 : Les Neiges du Kilimandjaro (Las nèus del Kilimandjaro)
- 2021 : Twist à Bamako
Prèmis
modificarDecoracion
modificar- Oficièr de l'ordre national del Meriti[4]
Bibliografia (fr)
modificar- Isabelle Danel, Conversation avec Robert Guédiguian, Les Carnets de l'info, 2008.
- Agnès Olive rencontre Robert Guédiguian, La Belle Bleue, 2009.
Ligams extèrnes
modificar- (fr)Les gens du cinéma
- (fr)filmdeculte.com
- (fr) (en) Robert Guédiguian sus Internet Movie Database
- (fr)Agat films & Ex Nihilo productions
Nòtas e referéncias
modificar- ↑ Extrach de naissença n° 161/1953
- ↑ (fr)« discors de Robert Guédiguian » sul site nacional del Partit d'Esquèrra
- ↑ (fr)Eles e elas vòtan Front de gauche - l'Humanité
- ↑ (fr) JORF n° PREX1010435D, Décret du 14 mai 2010 portant promotion et nomination sus Légifrance
