L'Estaca (Marselha)

L'Estaca es un quartier de Marselha que s'atròva dins l’arrondiment setzen, a la poncha nòrd-oèst de la ciutat, entre mar e còlas. Seis estatjants son anomats leis estaquencs e emai siguesson administrativament marselhés, an per costuma de si considerar bèu premier estaquencs.

Pau Cesana, Lo golf de Marselha vist de l'Estaca, c. 1885

Es un quartier amb una identitat fòrta, vilatjon vertadier dins la vila de Marselha, ambé sei tradicions pròprias coma la targa, fòrça populara, emai encò dei populacions recentament arribadas e sa gastronomia (produchs de la mar, panissas, chichis fregits). Es de costuma per plen de familhas marselhesas d'anar lo dimenche s'espaçar a l'Estaca e li anar manjar leis especialitats localas.

Virat devèrs la mar, coma va mòstra son nom, l'Estaca es tanben un ancian terrador industriau (fabregas de teules, malons e tometas, subretot) qu'a encuei quasi tot despareissut a l'ora d'ara.

L'Estaca es tanben conoissuda per èsser estada una inspiracion per d'artistas variats, despuei la pintura (Pau Cesana, Georges Braque, Auguste Renoir) fins au cinèma (Robert Guediguian, que ne'n fa lo luec centrau de la màger part de sei filmes) e a la literatura (Emili Zola li demorèt un temps).