Radio Occitania
| País | França |
|---|---|
| Sètge social | Tolosa |
| Eslogan | «L'émotion du Pays/L'emocion del País» |
| Lenga | occitan, francés |
| Site web | radio-occitania.com |
| Creacion | 1981 |
|---|
| AM |
 Non |
|---|---|
| FM |
 Òc |
| RDS | OCCITANA |
Radio Occitania es una ràdio locala associativa, creada en setembre de 1981 a Tolosa de que la tòca n'es la promocion de la lenga e de la cultura occitanas.
Produsìs e difusìs mai de 20 oras de programas en occitan cada jorn e trachan de totas tematicas: economia, politica, espòrt, literatura, cinèma, cultura, istòria, actualitat, sciéncia... per botar un lum occitan sul monde d'auèi.
Dins la region Occitània, mantunas ràdios associativas prepausa de programas en lenga occitana. Çaquelà, i a pas que tres ràdios localas que difusan un volum d'emissions pròche de 80% de lor gresilha: son Ràdio Albigés a z-Albi, Ràdio País a l'oèst, entre Atlantic e Garona, Radio Lenga d'Òc a Montpelhièr, a l'est e Radio Occitània dins le parçan de Tolosa, en Comenge e en Lauragués.
Les programas occitans e catalans son realizats ambe coma amira de botar en davant lo patrimòni regional europèu, a concurréncia d'un vintenat d'oras cada jorn.
S'i difusa tanben de corses d'iniciacion e de perfeccionament a la lenga occitana, atal coma cada jorn, 13 rendètz-vos d'informacions regionalas, nacionalas e internacionalas en occitan (ambe dos bulletins bilingües de mièja ora francés-occitan) mostrant atal lo caractèr actual e viu de la lenga dels Trobadors.
Ligam extèrne
modificar- (oc) (ca) (en) (fr) Sit de Radio Occitania