Placa antartida
La placa antartida es une placa tectonica de la litosfèra de la planeta Tèrra. Sa superfícia es de 1,43268 estereoradians. Mai sovent i es associada la placa de las Shetland.
Espandida
modificar
La placa antartida cobrís:
- per la rusca continentala, la totalitat de l'Antartida e las mars continentalas associadas (mar de Ross e la partida sud oèst de la mar de Weddell) ;
- per la rusca oceanica, gaireben tot l'ocean Austral amb la illa Kerguelen, illa Saint-Paul, Illas Crozet, Illa Amsterdam, Illa Bouvet levat illas Shetland del Sud, la Georgia del Sud e las illas Sandwich del Sud, e lo sud èst de l'ocean Pacific e lo sud de l'ocean Indian.
Frontièras
modificarSas frontièras amb las autras placas son en majoritat formadas de dorsalas oceanicas, totas las placas mejancièras s'alunha mai o mens cap al nòrd. Levat lo contacte amb la placa Scotia e la placa de las Sandwich per ont la limita es mai sovent formada de falhas transformantas amb de placas se desplaçant cap a l'oèst.
Anant del meridian de Greenwich figurant lo nòrd e dins le sens de las agulha del relòtge, la placa antartida est en contacte amb:
- al nòrd èst, la placa africana e la placa somaliana que li es associada per la dorsala du Sud oèst de l'ocean Indian;
- al sud èst, la placa australiana per la dorsala du Sud Èst de l'ocean Indian;
- al sud oèst, la placa pacifica per la dorsala Pacificantartida ;
- a l'oèst, la placa de Nazca per la dorsala del Chile ;
- al nòrd oèst, en qualques punts, amb la placa sudamericana, puèi de biais mai long amb la placa Scotia, una zona de subduccion perlongant lo contacte de la placa de Nazca amb la placa sudamericana, per la fòssa de Peró e Chile;
- La microplaca de las Shetland, mai sovent ligada a la placa antartida, se situa al tèrme de la fòssa de Peró e Chile, qu'es l'articulacion amb lo sistèma transformant de la placa Scotia ;
- al nòrd oèst, per una falha mai sovent transformanta, amb la placa Scotia e la placa de las Sandwich, que se desplaçan cap a l'oèst al repècte de la placa antartida;
- al nòrd oèst, al tèrme oriental del sistèma transformant e fòrça punctualament, amb la placa sudamericana dins un contacte transformant-divergant per la dorsala Americantartida.
Desplaçament
modificarLa majoritat dels desplaçaments al respècte de las placas mejancièras correspondon a de divergéncias. Lo sol desplaçament transformant correspond al desplaçament al respècte de la placa sudamericana e a la pichonas placas associadas (placa de las Shetland, placa Scotia e placa de las Sandwich).
La placa antartida se dirigís cap a l'ocean Atlantic a una velocitat de 2,05 centimètres per an o encara a una velocitat de rotacion de 0,8695 ° per milion d'ans segon un pòl eulerian situat a 64° 32' de latitud nòrd e 83° 98' de longitud oèst (referencial: placa pacifica).