Estereoradian
L'estereoradian (tanben escrit estereoradiant) (simbòl: sr) es l'unitat de l'angle solid del Sistèma Internacional d'Unitats. S'utiliza per descriure las mesuras angularas dins un espaci tridimensional, de biais anàlog que lo radian descriu los angles dins lo plan euclidian. La mesura d'un angle solid en estereoradians correspond a l'aira de la superfícia qu'abraça sus l'esfèra de rai unitat.
Lo nom estereoradian ven del grèc στέρεος (solid) e de radian.
Definicion modificar
L’unitat d’angle solid es l'estereoradian, angle solid d’un còn que, avent son som al centre d’una esfèra, descopa sus la superfícia d'aquesta esfèra una aira egala a la d’un carrat avent per costat una longor egala au rai de l'esfèra[1].