Plaça Esquiròl

Pagina d'ajuda sus l'omonimia Pels articles omonims, vejatz Esquiròl (omonimia).

La plaça Esquiròl (francés place Esquirol) es una plaça de centre de la vila de Tolosa. Se situa prèp del Pont Nòu, dins lo quartièr Esquiròl.

Es una de las plaças pus importantas de Tolosa, aprèp la plaça del Capitòli. De forma rectangulara, constituís un important caireforc entre las carrièras d'Alsàcia e Lorena e de Mètz, d'autras carrièras importantas (carrièra de Lengadòc) e d'autras mai pichonas: carrièra de la Veronica, dels Tornejaires, dels Cambis e dels Filatièrs.

I a un parcatge sosterranh en dejós.

IstòriaModificar

Los escavaments de 1993 per la construccion del parcatge, mostrèron l'origina romana e que l'antic capitòli[1] de Tolosa se situava aquí. Es lo luòc del martiri de Sant Sarnin, primièr avesque crestian de Tolosa al sègle III.

 
L'ancian mercat cobèrt, vendut a la vila de Lorda.

Sus la plaça se trobava lo « Mercat de pèira », demolit en 1863. Un mercat cobèrt seguèt, desmontat en 1892. La plaça dins sa configuracion actuala foguèt dubèrta a la fin del sègle XIX per religar la novèla carrièra de Mètz e lo Pont Nòu.

Dempuèi lo 8 d'octobre de 1867[2], lo luòc pòrta lo nom de Joan Estève Esquiròl, celèbre metge alienista nascut a Tolosa lo 4 de genièr de 1772.

Transpòrts en comunModificar

La plaça es tanben un punt important del malhum dels transpòrts en comun de la vila, Tisséo. L'estacion de mètro Esquirol se trapa jos la plaça e en dessús i a fòrça linhas de bus: las linhas 2 |10 |12 |38 |52 |78 |80 e 2S |10S |12S |38S en serada.

ActivitatsModificar

Fòrça comèrcis e restaurants son situats long de la plaça.

Vejatz tanbenModificar

Articles connèxesModificar

Nòtas e referénciasModificar

  1. Lo primièr Capitòli, una de las sèt còlas de Roma, èra lo centre religiós e del poder de la vila e per extension cada ciutat romana deviá aver son capitòli
  2. (fr)Dictionnaire des rues de Toulouse, Pierre Salies, ed Milan, 1989

Ligams extèrnesModificar

 

Wikimedia Commons prepausa de documents multimèdia liures sus Plaça Esquiròl.