Paricutin

Lo Paricutin es un volcan actiu situat dins lo centre de Mexic. Es famós per son erupcion de 1943 a 1952 qu'a permés ai volcanalòg d'observar en dirècte la formacion d'un volcan. D'efiech, lo Paricutin es un dei volcans continentaus pus joves de la planeta.

Lo Paricutin es format d'un còn volcanic de 442 m d'autor. A sa cima, se tròba una cratèr de 200 m de diamètre. Un segond cratèr, laterau, se situa au nòrd-èst. Aqueu volcan es aparegut dins una region volcanica onte mai d'un edifici volcanic ancian es visible^[1]. L'endrech presenta ainsi una certana similitud amb lei Monts Domas.

Lo Paricutin a conegut una erupcion unica qu'a durat de 1943 a 1952. Entraïnèt la formacion dau volcan. Relativament violenta, emetèt mai de 2 km³ de materiaus volcanics (0,7-1,4 km³ de lava e 1,3 km³ de materiaus piroclastics). Causèt la destruccion dei vilatges de Paricutín (733 abitants) e de San Juan Parangaricutiro (1 895 abitants). Tres personas foguèron egalament tuadas. Lo volcan es totjorn considerat coma actiu en causa d'una activitat sismica importanta. D'explosions freatics foguèron tanben observadas en 1998 e en 2006^[2].

Liames intèrnes

Volcan.

Bibliografia

(es) Pedro Corona Chávez, El Paricutín : Una de las Doce Maravillas Naturales del Mundo, Universidad michoacana de San Nicolás de Hidalgo, Instituto de Investigaciones Metalúrgicas, Departamento de Geología, pp. 7-8.

Nòtas e referéncias

↑ (en)Matt Gardine, Michael E. West e Tiffany Cox, « Dike emplacement near Paricutin volcano, Mexico in 2006 », Bulletin of Volcanology, vol. 73, n° 2, 2011, pp. 123–132.
↑ (en) Adán García, « Chocan versiones sobre El Paricutin », Mural. Guadalajara, 1998, p. 10.

[1] (en)Matt Gardine, Michael E. West e Tiffany Cox, « Dike emplacement near Paricutin volcano, Mexico in 2006 », Bulletin of Volcanology, vol. 73, n° 2, 2011, pp. 123–132.

[2] (en) Adán García, « Chocan versiones sobre El Paricutin », Mural. Guadalajara, 1998, p. 10.

[1]

[2]