Paranthropus
,_Olduvai_Gorge_-_Springfield_Science_Museum_-_Springfield,_MA_-_DSC03368.JPG)
Paranthropus siguec un genre d'ominin que demorec hé més d'un milion d'annades
Espècias de reng inferior
Paranthropus (deth gréc para (ath cant) e antropos (uman) ei un genre escandit d’ominins. Tamben conegut coma Australopithecus rosbusti, sigueren ominids bipedes que, de segur, eren descendents des ominids australopithecins gracils, que demoraren hé 2,7 Ma.
Es individús d’aguest genre auien ua anatomia craniodental plan robusta includint era cresta deth crani sagital, com es gorilles, que suggereish uns muscles de mastegatge horts, dab dents tà mastegar es erbes. Totun, Paranthropus auia pas es crestes transversals qu’an es gorilles d’aué.
Discurbiment
modificarUa partida de crani e de mandibula de Paranthropus robustus siguec discurberta en 1938 per un estudiant, Gert Terblanche, en Kromdraai B (70Km sud-oèst de Pretoria, en Sud-Africa. Siguec descrich coma un nau genre e espécie per Robert Broom deth Musèu de Transvaal. Eth lòc escavat des de 1993 per Francis Thackeray deth Musèu de Transvaal. An sigut datats, com a minim, en 1,95 Ma.
Paranthropus boisei siguec discurberta per Mary Leakey eth 17 de junhsega de 1959 en FLK Bed I en es Gòrjas d'Olduvai, en Tanzania (specimen OH5). Siguec portat ath camp. Quan Louis Leakey ac sabec, diguec qu’eth discurbiment erá notable. Arturaren es escavaments enquia Des Bartlett fotografiéc eth lòc.
En sòns escrichs Louis Leakey registréc un prumèr nom, Titanohomo mirabilis,tà confirmar qu’aguest éster auia ua relacion plan proche as umans. Louise Leakey e Mary Leakey començaren a aperar era esqueleta coma “Dear Boy” o Gojat Estimat. Es sòns ossi sigueren finauments trapats eth 7 d’agost. Gojat estimat qu’erá en eth context dab otís oldowayans e tamben dab ossi d’animals.
Eth fossil siguec publicat en Nature eth 15 d’agost de 1959 més per ua cauma arribaren pas enquia setembre. Alavetz, Louis Leakey plaçec eth fossil ena familha d’Australopitecins de Broom e creec un nau genre pr’açò, Zinjanthropus, espécie boisei. Zinja ei ua paraula arabiga anciana tà aperar era costa de l’Èst d’Africa e boisei ei per Charles Boise, un antropològ benefactor des Leakey. Louis Leakey confirmec eth sòn classament pr’amor que ja auia vint diferéncies dab Australopithecus.
Broom moriguec en 1951, més Dart enquera demoraua. Diguec qu’erá plan content ath cant de Louis Leakey quan aguest mostrec Zinj, que Louis e Mary portauen en ua lata (dempús ua capsa). Louis Leakey auia considerat eth genre Paranthropus de Broom més eth refuséc pr’amor que pensaua que Zinj erá ena famila des Homo més Paranthropus i erá pas. Didia qu’eth tamanh de sòns ulhals erá plan més long qu’es dera familha Homo.
En aquera epoca era paleoantropologia erá encara joen. Pendent era presentacion de Zinj en eth Quatau Congres Pan-african de Preïstorians en julhet en eth Congo belga, Louis auia de liéger un article de Nature. En aguest, diguec que i auia un nau genre. Dart l’ajudéc dab ua blaga que didia “què auria passat se Mrs Ples agués trapat Gojat estimat ua nuech hosca”.
Era batalha deth nom duréc diuersi ans enter Louis Leakey, Le Gros Clark e Sir Wilfrid. Tamben amassec es Leakeys dab eth doctor Melville Bell Grosvenor dera Societat National geographic. Es Leakeys sigueren dempús figures internacionals e aueren pas més de problemes en es fossils que traparen d’aqueth moment endauant. Era question de Zinj passec a éster ua més en eth problema Australopithecus/Paranthropus (sonque aplicada as Australopitecins robustes).
Descripcion
modificarToti es espécies de Paranthropus eren bipedes. Diuersi d’eres demoraren plan de temps dab espécies Homo (descendents d’Australopithecus ). Paranthropus apareguec prumèr de còp hé 2,7 milions d’ans. Plan d’espécies de Paranthropus auia un cervèth eth 40% deth tamanh d’un uman modern. I auia diuersi tamanhs segons era espécie més plan d’eri eren enter 1,3 e 1,4 m e plan musclats. Paranthropus demoréc en airals dab aforests més que no pas en gers a on demoraua Australopithecus.
Era actitud de Paranthropus erá plan disparièra d’era d’Homo pr’amor que poguéc pas adaptar-se a sòn environament. I a evidéncies ena forma dera fisiologia que hen pensar que minjauen rasigues e plantes. Açò auria relacionat més enquera es Paranthropus dab condicions environamentals més que no pas dab es deth genre Homo coma Homo habilis, que minjaua dab més diversitat. Aguesta praube adaptacion héc que Paranthropus boisei o Australopithecus robustus s’escandís sens descendents.
Taxonomia disputada
modificarEth biologista evolucionista Richard Dawkins confirméc que benlèu i auia agut diuerses espécies d’ominids robustes e que sòn nombre e afinitats ei enquera en disputa dab noms coma Australopithecus (o Paranthropus) robustus, Australopitehcus (o Paranthropus o Zinjanthropus) boisei e Australopithecus ( o Paranthropus ) aethiopicus (1).
Es opinions son diuerses segons P. eathiopicus , P. boisei e P. robustus aurien d’éster dens eth genre Australopithecus. Eth neishement des robustes pòt éster ua naua dralha ena evolucion, divergent o convergent.
I a pas de consens scientific sus se aguestes tres espécies son un nau genre, Paranthropus, evolucionat d’Australopithecus o non. Enquia era darrièra meia decada era marjoria de scientifics includien ambdús espécies, Australopithecus e Paranthropus en un nau genre. Aué, ambdús sistemes de classament son utilizats e acceptats ena comunautat scientifica. Totun, A. Robustus e P. robustus son utilizats tà aperar era madeisha espécie e quauques cercaires , dab Robert Broom, més tamben Bernard A. Wood, enquera pensen que i a diferéncies enter Australopithecus e Paranthropus més e que son dus genres (2) (3).
Hets
modificarEra grana partida d’espécies d’Australopithecus coma A. Afarensis, A. Africanus e A. Anamensis s’escandiguéc auans deth neishement d’Homo habilis més Paranthropus boisei e Paranthropus aethiopicus enquera demoraren un temps. Ansin, Paranthropus demoréc dab quauques individús deth genre Homo coma H. Abilis, H. Ergaster e benlèu H. Erectus (4).
Australopithecus afarensis e A. Anamensis ja s’auien escandit ena epoca. I auia diferéncies granes enter Australopithecus e Paranthropus tot e que n’i auia més en es cranis. Es rèstes postcranials son similars. Paranthropus erá bastit dab ua forma craniodental plan més massiua e auia crestes sagitals sus eth crani coma es gorilles. Aguestes ancorauen es muscles temporals de mastegament (4).
Intelligéncia
modificarEs espécies de Paranthropus auien eth cervèth més petit que Homo. Totun, eren més grans qu’es d’Australopithecus. Paranthropus ei relacionat dab otís de pèira ambdús deth sud e er èst d’Africa. Enquera i a debats sus se heren héts e utilizats per aguests Autralopitecins robustes o Homo. Quauqu’uns cren que Homo erá er creador d’otís (5) més i a fossils de mans en Swartkrans, Sud-Africa, que mostren que Paranthropus robustus tamben auia era precision tà hér otís de pèira (6). Plan d’espécies d’Australopithecus auien pas de lenga tà parlar o contrarotlar eth huec més quauqu’uns d’aguests son relacionats dab huec en Swartkrans (5).
Dieta
modificarEn 2011 Thure E. Carling, dera Universitat de Utah e sòns collegues, publicaren un estudi en Procediments dera Academia de Sciencies Nacionals (7) dab un trabalh en què confirmauen a travuers d’isotopes de carbon de 24 dents de 22 individús de Paranthropus, qu’aguest demoréc en africa de l’èst enter hé 1,9 milions d’ans e 1,4 Ma. Paranthropus boisei minjaua més plantes dab més C4 qu’autes espécies homo estudiades enquia aué (8).
Referéncies
modificar1.- Dawkins, Richard (2004). The Ancestor's Tale: A Pilgrimage To the Dawn of Life. London: Weidenfeld & Nicolson. p. 77. ISBN 0-297-82503-8.
2.- Pilbeam, D.R (1988). "Hominid evolution". In Harrison, G.A., Tanner, J.M., Pilbeam, D.R., & Baker, P.T. Human Biology: An introduction to human evolution, variation, growth, and adaptability. Oxford, U.K.: Oxford University Press. pp. 104–143. ISBN 0-19-854144-9. Also ISBN 0-19-854144-0 (paperback)
3.- Wood, B.A. (1994). "Evolution of australopithecines". In Steve Jones, Robert Martin & David Pilbeam. The Cambridge Encyclopedia of Human Evolution. Cambridge: Cambridge University Press. pp. 231–240. ISBN 0-521-3270-3 Check |isbn= value (help). Also ISBN 0-521-46786-1 (paperback)
4.- Wood, B. & Strait, D. (2004). "Patterns of resource use in early Homo and Paranthropus". Journal of Human Evolution 46 (2): 119–162. doi:10.1016/j.jhevol.2003.11.004. PMID 14871560.
5.- Klein, R. (1999). The Human Career. University of Chicago Press.
6.- Susman, RL (May 6, 1988). "Hand of Paranthropus robustus from Member 1, Swartkrans: fossil evidence for tool behavior". Science 240 (4853): 781–4. doi:10.1126/science.3129783. PMID 3129783.
7.- Thure E. Cerling, Emma Mbua, Francis M. Kirera, Fredrick Kyalo Manthi, Frederick E. Grine, Meave G. Leakey, Matt Sponheimer, and Kevin T. Uno. Diet of Paranthropus boisei in the early Pleistocene of East Africa; PNAS 2011; published ahead of print May 2, 2011, doi:10.1073/pnas.1104627108 http://www.pnas.org/content/early/2011/04/27/1104627108.full.pdf+html?sid=71bf864d-bcc2-420e-9c3d-6c390c4a31c3
8.- Associated Press report. Study: Ancient 'Nutcracker Man' really ate grass https://web.archive.org/web/20110601011307/http://news.yahoo.com/s/ap/20110502/ap_on_sc/us_sci_nutcracker_man