Dobrir lo menú principal

Pampaligosta o Pampaligòssa es un país imaginari, luenchenc o inconogut dins la cultura populara occitana.

Un país imaginariModificar

Se'n parla especialament ais enfants en lo descrivent coma un país imaginari. Conois d'adaptacions e de desvolopaments divèrs segon lei regions d'Occitània.

  • Per exemple, lo descrivon coma una illa e un reiaume imaginari, au larg de l'estanh de Bèrra, poblat qu'es de fadas e inaccessible qu'es ais umans. Aquela illa ocupa une plaça majora dins l'imaginari provençau. La legenda cònta qu'aqueu reiaume, de fadas exiliadas lo creèron a partir de ren e li donèron de riquesas immensas e una fertilitat granda. Per fin que degun vegèsse aqueu reiaume, lei fadas l'enrodèron d'una barriera invisibla, que ges d'uman la podiá traversar.
  • Rabelais, autor francofòn qu'aviá sejornat en Occitània (e mai que mai a Montpelhièr), parla dins Gargantuan de "Philippes des Marays, viceroy de Papeligosse" (Felip dei Paluns, vicerei de Pampaligòssa).

Un luòc luenchencModificar

Pampaligosta pereu es una expression qu'utilizan dins mai d'una region d'Occitània, en particular en Provença e en Lengadòc, per designar quin luòc que siá, pron luenchenc e inaccessible, o ben per mandar pintar de gàbias: Es partit a Pampaligosta, Te mandarai a Pampaligosta.