Palhars Jusan

Lo Palhars Jusan (en catalan: Pallars Jussà) es una comarca pirenenca que compren granda part de la plana e de la ribièra dels rius Noguera Pallaresa, Flamisell e la plana de la Conca Dellà. Confronta amb las comarcas de Noguera, lo Palhars Sobeiran, l'Auta Ribagòrça, l'Aut Urgèl e Ribagòrça en l'Aragon. Es un dels dos fragments en que demorèt subdividit lo territòri istoric del Palhars. En fach, lo Palhars Jusan es format de quatre unitats geograficas: la Conca Deçà o Conca de Tremp, a l'entorn del cap de comarca, la Conca Dellà, a l'entorn de la vila de Isona, la Conca de Dalt, a l'entorn de la Pòbla de Segur, malgrat que recep aquel nom la municipalitat de el Pont de Claverol, e l'ensems format de la Vall Fosca, amb la Torre de Cabdella coma centre, e lo tèrme parallèl de Sarroca de Bellera.

Palhars Jusan

Administracion
Estat	Espanha
Comunautat autonòma	Catalonha
Província	Lhèida
Capitala	Tremp
Geografia
Coordenadas	42° 16′ 44″ N, 0° 55′ 49″ E
Superfícia	1 343,1 km²
Demografia
• Totala	13 080 ab. (2019 )
• Densitat	9,74 ab./km²
Gentilici	Palharés, palharesa
Economia
Sit web	pallarsjussa.net

Encara, un cinquen territòri s’es apondut administrativament al Palhars Jusan, malgrat que geogràficament aperten a l’Auta Ribagòrça: se tracta de la mitat orientala de la Terreta, amb los ancians tèrmes municipals de Espluga de Serra e Sapeira, totes dos a l'ora d'ara englobats en la granda municipalitat de Tremp.

Entitat de poblacion	Abitants
Abella de la Conca	188
Castell de Mur	185
Conca de Dalt	434
Gavet de la Conca	301
Isona i Conca Dellà	1.153
Llimiana	164
Pobla de Segur, la	3.089
Salàs de Pallars	335
Sant Esteve de la Sarga	151
Sarroca de Bellera	129
Senterada	142
Talarn	382
Torre de Cabdella, la	792
Tremp	6.022