Amanita caesarea
(Redirigit dempuèi Oronge)
Amanita caesarea
Mojòla
| Règne | Fungi |
|---|---|
| Division | Basidiomycota |
| Classa | Homobasidiomycetes |
| Sosclassa | Agaricomycetidae |
| Òrdre | Agaricales |
| Familha | Amanitaceae |
| Genre | Amanita |
La mojòla, o domergal/domengal o ovièra, o oronge, o romanèl/romanèla es un campairòl excellent comestible de l'òrdre dels agaricals e un dels mai apreciats benlèu tanben perque es pauc comun. Ja èra conegut pels romans, çò qu'explica lo sieu nom latin: Amanita caesarea, es a dire "amanita dels cesars".
Descripcion
modificar- Capèl 8 a 15-20 cm, ovoïde puèi emisfèric e enfin convèxe, jamai espotit o deprimit, roge iranjat viu, trelusent, pro sovent cobèrt de tròces grands de la volva, blancs. Marga estriada.
- Lamas pron sarradas, jaune d'aur clar. Espòras blancas.
- Pè 8 a 15 cm, robust, dreit o leugièrament corbat, de la color de las lamas. Volva espessa, blanca, desjonhada del pè. anèl ample membranós, de la color del pè, enauçat e pendent.
- Carn ferma, blanca, jauna jos la cuticula. Odor agradiva, sabor doça de notz.
Ecologia
modificarBrotan dins las regions mediteranèas de la prima entrò la davalada, dins los bosques de fulhós (euses, castanhièrs, suvièrs).
Comestibilitat
modificarExcellent comestible, se pòt manjar tan fregit coma cru, talhat en lescas finas e macerat amb òli d'oliva.
Imatges
modificar-
Amanita caesarea -
Amanita caesarea -
Amanita caesarea jove -
Amanita caesarea
