Omphalotus olearius

Omphalotus olearius

Clitocibe de l'olivier

Classificacion segon MycoBank
Règne	Fungi
Division	Basidiomycota
Sosdivision	Agaricomycotina
Classa	Agaricomycetes
Sosclassa	Agaricomycetidae
Òrdre	Agaricales
Familha	Omphalotaceae
Genre	Omphalotus

Nom binominal

Omphalotus olearius
(DC. ex Fr.) Singer, 1948^[1]

Sinonims

Agaricus olearius DC.^[2]
Clitocybe olearia (DC.) Maire^[2]
Pleurotus olearius (DC.) Gill.^[2]

Omphalotus olearius (nom vernacular : clitocib de l'olivier, giròla de l'olivier) es un bolet de la familha deis Omphalotaceae e dau genre deis Omphalotus. Es una espècia fòrça toxica qu'es frequenta en Occitània e que pòu èsser confonduda amb lei giròlas comestiblas.

Descripcion

Es un bolet de 6 a 15 cm d'autor qu'a un coloracion generala situada entre lo jaune arange, l'arange viu e lo jaune brun-roge. Lo capèu a un diamètre de 6 a 15 cm. Es inicialament convèxe, mai pren rapidament una forma d'embut. Lo revestiment es separable e lei marges demòran lòngtemps enrotlats. Lei lamas son finas, sarradas, decurrentas e sovent jaune arange. Dins la sorniera, son luminescentas^[3] e pòdon secretar un suc arange. Leis espòras son de color blancàs ò crèma. A un diamètre de 6 µm. Lo pè es sovent excentric e pus fin a la basa. La carn es fèrma de color jaune safran. Son odor es fòrta e pauc agradiva. La sabor es febla.

Ecologia

Lo clitocib de l'olivier pòu venir sota forma de matas ò d'especimens isolats en autona. Es sovent associat amb un tronc ò de racinas d'olivier. Pasmens, pòu tanben venir amb d'autrei fuelhós (rores, euses, süvers, castanhiers, eucaliptus, etc.). De còps, pòu aparéisser durant la prima ò lo començament de la sason freja. Es una espècia dau sud d'Euròpa que pòu de còps s'observar dins de regions d'exportacions d'oliviers europèus.

Comestibilitat

Es una espècia fòrça toxica qu'es de còps presentada coma mortala dins certaneis obratges. Lei simptòmas usuaus son de nausèas e de diarrèas violentas.

Confusion

Lei riscs de confusion pus grèus son amb lei giròlas comestiblas qu'an una coloracion pus clara. De mai, lei giròlas an pas de lamas, mai de plecs sota lo capèu. De confusions son tanben possiblas amb Lepista flaccida, una espècia comestibla qu'es pus clara. Enfin, de confusions son possiblas amb leis autreis Omphalotus, especialament amb Omphalotus iludens qu'es egalament una espècia fòrça toxica.

Galariá

Grappe de champignons Pleurote de l'olivier.
Lamas bioluminescentas

Annèxas

Liames intèrnes

Omphalotus.

Bibliografia

(fr) Didier Borgarino e Christian Hurtado, Champignons de Provence et du Midi méditerranéen, Éditions Édisud, Sant Romieg, 2020.

Nòtas e referéncias

↑ MycoBank, consultat lo 20 mai 2018
↑ ^2,0 ^2,1 et ^2,2 BioLib, consultat lo 20 mai 2018
↑ (en) Dennis E. Desjardin, Anderson G. Oliveira e Cassius V. Stevani, « Fungi bioluminescence revisited », Photochemical & Photobiological Sciences, vol. 7, n° 2, febrier de 2008, pp. 170–182.

[MycoBank20_mai_2018-1] MycoBank, consultat lo 20 mai 2018

[BioLib20_mai_2018-2] 2,0 ^2,1 et ^2,2 BioLib, consultat lo 20 mai 2018

[3] (en) Dennis E. Desjardin, Anderson G. Oliveira e Cassius V. Stevani, « Fungi bioluminescence revisited », Photochemical & Photobiological Sciences, vol. 7, n° 2, febrier de 2008, pp. 170–182.

[1]

[2]

[3]