Okavango

Okavango (Cubango)
Vista aeriana d'una partida del dèlta de l'Okavango.
Caracteristicas
Longor	1 600 km
Bacin	721 258 km2
Debit mejan	475 m3⋅s-1
Riu
Font	Huambo
· Localizacion	Província de Huambo Angòla
Embocadura	riu endoreïc
· Localizacion	Dèlta d'Okanvango Botswana
Geografia
Païses traversats	Angòla Namibia Botswana

Okavango o Cubango es lo tresen cors d'aiga de l'Africa Australa per sa longor (entre 1 600 e 1 800 km). Sa font es près de la vila de Huambo en Angòla centrala, abans de traversar Namibia per aténher Botswana. Las aigas d'Okavango an la particularitat de jamai rejónher l'ocean, lo cors del fluvi s'acaba pel vast dèlta d'Okavango dins lo desèrt de Kalahari, es un fluvi endoreïc.

Percors

L'Okavango

A la seguida d’un accident geologic, se perd dins lo sec desèrt de Kalahari puslèu de desbocar dins l'Ocean Indian. Alara, se nomena lo fluvi quie tropa jamai la mar.

Près de l'estrecha Listra de Caprivi (Namibia), la coa de padena (panhandle) que separa lo Botswana e l'Angòla, lo fluvi Okavango serpeja entre las verdas pradas inondablas. Entre doas fracturas de la rusca terrèstra, aquel corredor mena a una depression ont lo fluvi s'espandís enseguida dins un vast dèlta.

D'un debit de gaireben quinze miliards de mètres cubics annals, sas aigas se pèrdon dins un gigantesc dèlta de 15 000 km², formant un labirint d'illas, de canals e de lagunas. Pasmens, los ans de fòrt debit, una pichona partida de l'aiga rejónh lo Zambèzi via un dels sieus afluents, lo Magwekwana.

Aquel espaci es en partida la resèrva naturala de Moremi Game Reserve. Es de fòrça granda importança per plan d'espècais d'aucèls, de mammifèrs, de peissons, de reptils, d'amfibians e de vegetals, mas es menaçat per la volontat dels païses que travèrsa (Angòla, Namibia, Botswana) d’expleitar sas aigas, bastissent de paissièras e de canals per l'irrigacion, fòrça importanta dins aqueles païses fòrça arids.

Galariá

• 
  Vegetacion del dèlta d'Okavango
• 
  Okavango vist pel satellit Spot
• 
  Ima(ge satellitara de dèlta d'Okavango

Annèxes

Bibliografia

• (en) Charles John Andersson, The Okavango River, a Narrative of Travel, Exploration and Adventure, Hurst & Blackett, London, 1861, 364 p.
• (en) Peter Johnson, Robert T. Teske et Anthony Bannister, Okavango: Sea of Land, Land of Water, Struik, Cape Town, 1997 (Modèl:2e éd.), 202 p. ISBN: 9781868253821
• (en) John Mendelsohn et Selma El Obeid, Okavango River: The Flow of a Lifeline, Struik, Cape Town, 2004, 176 p. ISBN: 9781868729630

Ligams extèrnes

• Vol au-dessus de l’Okavango » (Entre Deux Eaux, Newsletter Modèl:Numéro, 18 février 2010)