Naoko Sano

Naoko Sano (Tòquio, 1970) qu'ei ua ensenhaira e cercaira japonesa en sociolingüistica e en francés.

Arron d'aver descobèrt l'occitan en Japon, que decidí de har ua partida deus sons estudis a l'Universitat de Montpelhièr entà poder apréner la lenga occitana. Que se'n declara amorosa e que ditz que l'a "miada tà un navèth camin"^[1].

En 2004, que miè tà tèrmi un estudi sus las motivacions de l'usatge de l'occitan auprès d'un escantilh de participants au cors La pluma e lo còr de la Chambra d'Òc^[2]. La medisha annada, que recebó lo Prèmi de la Vocacion provençala, autrejat per la Fondacion Loís Voland^[3].

A l'òra d'ara, qu'ensenha a l'Universitat de Nagoya.

Bibliografia

SANO Naoko, Una lenga e un chamin, dab la collaboracion de Chambra d'Òc.

SANO Naoko, Vocabulari occitan-japonés, difusat en Occitània per IDECO.

Referéncias

[1] «reportatge sus Naoko Sano sus France 3 sud e entervista de Naoko Sano en occitan de las Valadas».

[2] «devís de Naoko Sano a la Chambra d'Òc.».

[3] «petit article suu subjècte sus Prouvènço Presso».

[1]

[2]

[3]