Montcube

Montcube (Moncube en francés) qu'ei ua anciana comuna gascona de Shalòssa situada dens lo departament de las Lanas e la region de Navèra Aquitània, ancianament d'Aquitània.

Montcube Moncube
Geografia fisica
Superfícia	> 5 km²
Altituds  · Maximala  · Mejana  · Minimala	ca 112 m ca 85 m 44 m
Geografia politica
Region istorica	Gasconha
Parçan	Shalòssa
Estat	França
Region [[Modèl:Nmrfr|]]	Navèra Aquitània
Departament	Lanas
Arrondiment	Lo Mont
Canton	Shalòssa Tursan (Sent Sever avant 2015)
Intercom {{CòdeEPCI|cap}}	CC de Shalòssa Tursan (2017 ---->)
Cònsol	()
Geografia umana
Autras informacions
Còde postal	40500
Còde INSEE	cap
Divèrs	Incorporada a Èiras e Montcube despuish 1844.

Geografia

Lo prumèr problèma geografic qu'ei l'emplaçament deu lòc. Lo nom de Montcube qu'ei present, escrit Moncube, sus la mapa de Cassini , e que sembla pas luenh de l'actuau Laféourère (en francés), on i a ua abadia de monjas benedictinas despuish 1985 dens lo castèth d'aqueth nom , bastit en 1810 per la familha de Labòrda-Lassala. Lo nom qu'ei absent de las mapas mèi recentas; benlèu que lo nom deu castèth lo hascó oblidar.

Delimitacion enter Èiras e Montcube

Tant lo borg d'Èiras com lo lòc supausat de Montcube qu'èran quasi au limit de las duas comunas.

Toponimia

Las fòrmas ancianas que son Moncube sus ua mapa de 1714 e ua auta de 1733. Lo nom qu'es format deu romanic mont e d'un aute qui auré, segon Bénédicte Boyrie-Fénié, un sens oronimic, çò qui haré de l'ensemble un pleonasme. La toponimista qu'evòca l'arradic preindoeuropèa *KoB-, dab l'influéncia deu gascon cuba. Que i a a Nerbis un lòc nomentat Métairie de Cubis dab un tumulús, çò qui confirmaré la valor oronimica. B. Boyrie-Fénié qu'arreconeish lo costat conjecturau de sa construccion . La situacion deu lòc sus un planèr enter duas vaths s'opausa pas a un oronime.

Istòria

Montcube èra pas parròpia au sègle XVIII . I avè pas de borg vertadèr nimèi, probable, de glèisa quan èra comuna. Non se sap on èra l'ostau de comuna.

En 1844, qu'incorporén la comuna de Montcube a Èiras e la comuna d'Eyres (en francés) que vadó Eyres-Moncube .

Demografia

Evolucion demografica Populacion comunala actuala (2013): , totala:
1793	1800	1806	1821	1831	1836	1841	1846	1851
248	244	240	226	263	251	251	-	-
1962	1968	1975	1982	1990	1999	2006	2007	2008
				Cercar	Cercar	Cercar	Cercar	Cercar
2009	2010
Cercar	Cercar
Fonts
Base Cassini de l'EHESS - Nombre retengut a partir de 1962 : Populacion sens comptes dobles - Sit de l'INSEE Evolucion de la populacion 1962-2008 Evolucion de la populacion 1962-2008

• Lo n° INSEE qu'ei estat cambiat per rasons practicas.

Lòcs e monuments

Probable que i avè nada glèisa avant la Revolucion, nimèi après.

Personalitats ligadas dab la comuna

• Familha de Labòrda-Lassala.

Véder tanben

• Èiras e Montcube
• Lista de las ancianas comunas de las Lanas sus la Wikipèdia francesa : [1]

Ligams extèrnes

• Comunautat de comunas de Shalossa Tursan