Lo Mont Venturi o Venturi o Santa Venturi (mount Ventùri, Ventùri, Santo Ventùri dins la nòrma mistralenca) es un massís calcari d'Occitània, en Provença entre lei departaments dei Bocas de Ròse e de Var. Se li ditz tanben : La còla de Venturi.
Venturi pintada per Pau Cesana e vista d'Ais de Provença, Païsatge amb viaducte, 1885-1887
Lònga de 18 km, la còla se situa a 6 km d'Ais de Provença.
Son ponch culminant es lo Pueg dei Moscas (o de Cagalop) a 1011 m d'altitud. Mai es pas lo ponch pus aut dau departament, que se tròba dins lo massís de la Santa Bauma, au Bauç de Bertanha (1042 m).
La crotz de Provença es un luòc remarcable dau massís; la crotz auta de 19 m la dreicèron sus un pueg tresplombant lo priorat, a 946 m (foguèt inaugurada en 1875).
Lo Mont Venturi dau prelatin ròca ventada amb una racina 'vent' que se retròba dins Ventor (en francés Ventoux) e dins mai d'un toponims provençaus. Lo nom francés de Montagne Sainte-Victoire foguèt creat a partir dau sègle XVII, quand lei geografs mandats per Loís XIV de França revisitèron la toponimia occitana ambé nombroseis aberracions. Lo tèrme s'es impausat ambé lo torisme artistic ligat a la difusion deis òbras de Pau Cesana.
França
