Maurici Magre

Maurici Magre (en francés: Maurice Magre; Tolosa, 2 de març de 1877 - Niça, 11 de decembre de 1941) foguèt un escrivan, poèta e dramaturg occitan d'expression francesa. De fibra occitanista, a mai s'escriguèt pas jamai en lenga d'òc, foguèt una figura màger de l'interès pel catarisme gràcias a doas de sas òbras Le sang de Toulouse (1931) e Le trésor des Albigeois (1938). Sèrgi Viaule faguèt la revirada en occitan del primièr d'aqueles romans, La sang de Tolosa, publicada en 2013, una de sas òbras mai emblematicas.

Biografia

Maurici Magre nasquèt a Tolosa en 1877 dins una familha de notables del país. Son paire Joan Baptista Magre (escaissat Genty-Magre), èra avocat, jornalista e redactor; venguèt mai tard sos-prefècte a Vilafranca de Lauragués. Son fraire ainat, Andrieu, en mai de poèta arribèt a èsser conselhièr d'estat e secretari general de la présidéncia de la republica francesa. Admirador de l'escrivan francés André Gide, Maurici s'avodèt a l'escritura jove e compausèt sos primièrs poèmas quand aviá pas que 14 ans. Sos primièrs recuèlhs de poesia espeliguèron en 1895. Partiguèt a París un pauc mai tard, a l'edat de 20 ans. Aprèp una existéncia miserosa dins una cambrona exigüa, se bastiguèt una cèrta notorietat tre la publicacion de La chanson des hommes en 1898.

Òbras

Romans

• L'Appel de la bête (1920)
• Les Colombes poignardées (1917)
• La Tendre Camarade (1918)
• Priscilla d'Alexandrie (1925)
• La Vie amoureuse de Messaline (1925)
• La Vie des Courtisanes (1925)
• La Luxure de Grenade (1926)
• Le Mystère du Tigre (1927)
• Lucifer (1929)
• La Nuit de haschich et d'opium (1929)
• La Lumière de la Chine. Le Roman de Confucius (1927)
• Le Sang de Toulouse. Histoire albigeoise du XIIème siècle (1931)
• Le Trésor des Albigeois (1938)
• Un Français à la cour de l'empereur Akbar. Jean de Fodoas (1939)
• Histoire merveilleuse de Claire d'Amour.
• L'Art de séduire les femmes (1929)
• Le Poison de Goa (1928)

Poesia

• La Chanson des hommes (1898)
• Le Poème de la jeunesse (1901)
• Les Lèvres et le secret (1905-1906)
• Les Belles de Nuit (1913)
• La Montée aux enfers. Poésies (1918)
• La Porte du mystère (1924)
• Le Parc des Rossignols (1940)