Matorral

Lo matorral designa una formacion vegetala bassa o nauta, d'espaci dubèrt o cobèrt, que se destria dels bòscs e talhadas escuras, de pelencs d'èrbas e de pradas secas.

Matorral de vegetacion enautada en Sicília, designat coma « macchia » en italian.

Aqueste tèrme botanic espanhòl correspond a de mitans similars de las regions mediterranèas e designats per d'autres tèrmes en foncion de las regions coma maquís e garriga a çò nòstre, macchia en Itàlia, phrygana en Grècia, mato o matagal al Portugal, batha en Israèl. Mai recentament, lo tèrme es a vegada utilizat per designer de formacions vegetalas comparablas fòra de las regions mediterranèas; coma lo matorral chilenc, e de formacions vegetalas similara al Mexic, EUA o Austràlia.

Definicion

Vegetacion al Tèxas (EUA) considerada coma matorral.

« Lo matorral es una formacion de vegetals linhoses, nanofanerofitas o camefitas, que la talha e la portada son o naturalas e per consequéncia especificas, o artificialas, resultant alara de tractaments degradants (talhada, incendi, pastura). »

— Charles Sauvage, « Recherches géobotaniques sur les subéraies marocaines », Société des sciences naturelles et physiques du Maroc, 1961, p.181