Las Majofas

Las Majofas
Descobridor o inventaire
Data de descobèrta
Contrari
Color
Simbòl de quantitat
Simbòl d'unitat
Proprietat de
Fondador
Compren
Data de debuta
Data de fin
Precedit per
Seguit per
Coordenadas

Plenitud de la creacion

Títol original	Smultronstället
Realizacion	Ingmar Bergman
Actors principals	Viktor Sjöström Ingrid Thulin Bibi Andersson Gunnar Björnstrand
Scenari	Ingmar Bergman
Musica	Erik Nordgren
Decòrs	Gittan Gustafsson
Vestits	Millie Ström
Fotografia	Gunnar Fischer
Montatge	Oscar Rosander
Produccion	Allan Ekelund
Societat de produccion	Svensk Filmindustri (SF)
Format	Blanc & negre
Genre	drama psicologic
Durada	91'
Sortida	26 de decembre de 1957
Lenga(s) originala(s)	suedés (+ latin)
País d’origina	Suècia

Las Majofas (Smultronstället del siu títol original suedés) es un filme del cineasta suèc n'Ingmar Bergman. Se ne recacèt un molon de prèmis e guerdons e se ne pòt afortir que foguèt de verai l'òbra aquela la primièra que se n'abastèt un tal nivèl de fama e renommada del siu autor en pel mond entièr.

N'es, a de mai, un filme pro clar pel siu contengut e pel sieu lengatge, e pas cap austèr, ermetic o dificil, coma ne poiràn èsser estats (ne seràn...) dequ'unes autres que i aguèt dins la filmografia d'en Bergman.

Sinòpsi

Lo filme nos relata l'istòria e los sentiments de n'Isak Borg, un vièlh e egrègi professor mentre ne deu el anar dins la vila de Lund, al sud extrèm del país, per lai recaçar un prestigiós prèmi academic.

Se va trachar dins aicestre filme d'una viatjada tant dins l'espaci coma dins los sòmis, al brivent del siu debanar amai dels rescontres que fa son eròi.

Tot comença per una cachavièlha que lai lo podem veire sol dins una vila inconeguda amb relòtges sens agulhas.Un òme cai per sòl en tot se desconflar coma baudufla e un carri de mòrts ne batega contra un lampadari en tot se ne far tombar aital l'ataüc.

Una man s'agafa lo professor en lo se tirar cap a el que sobte ne reconeis coma èssent lo sieu lo caratge del mòrt.

Al sieu revelh, decidís de far lo viatge en veitura e pas cap en avion coma mai normal ne seriá, vista l'urgéncia amai la distància per far.

Decidís de se far acompanhar per la siá nòra Marianne, que la quita ela se ne prepausèt lo se menar ailaluènh.

Durant la viatjada, Marianna lo se va recastenar per la siá avarécia rapòrt al sieu filh mètge n'Evald.

Un desviament dins l'itinerari los se va menar cap a l'ostal onte l'Isak passèt vint ans amb los sieus nòu fraires e sòrres, que ne va lèu-lèu cabussar lo vielhet dils sieus sòmis.

entremièg sòmi e realitat

Se torna veire la cosina Sara, qu'un tempsòt se n'enamorèt, a culir de majofas per l'oncle Aron. A taula doas sorretas bessonas çò ne contan d'aver vist lo cosin Sigfrid se potonejar la Sara que ploricosa se ne va.

Una autostopaira, que se reverta fòrça la Sara (na Bibi Andersson s'interprèta ambedós ròtles...) , li demanda passatge per ela e sos dos amics. O accèpta e se'n tornan partir mas al cap d'una estona, se n'encrosan amb una autra veitura que totun ne sortisson sens cap mal los dos passatgièrs, un parelh. Montan dins la veitura de Marianne mas a dich de tant se carpinhar li ne demandan que davalen lo vièlh professor e sa nòra.

d'encara mai luènh cap en rèire

Sul sieu camin, se trapa l'ostal de la maire de n'Isak.

Après aver manjat e fach lo plen de l'auto, que los joves çò ne charrèron de l'existéncia o l'inexisténcia de Dieu, se n'estipulan l'Isak e Marianne d'anar veire la nonagenària.

Que li fa veire joguets e fòtos vièlhas en tot se ne plànher de la siá solesa malgrat lo nombre incresible de felens e rèirefelens qu'ela aguèt,e a.

Passada aquela visita pro brèva, còp e quilha se n' encaminan e l'Isak se ne torna acossomir... per cabussar dins una novèla cachavièlha onte Sara, jovenòta, li ne ditz qu'agache el lo siu caratge ja vièlhàs e que pro d'aviada ne va aver Isak de morir.

Chic après çò li'n ditz que s'esposarà lo Sigfrid.

L'Isak truca a la pòrta mas lo que ven per obrir es un vièlh professoràs que lo mena dins una sala onte lo s'interrèoga en tot contestar las siás responsas e li ne dire d' incompetent.Lo s'acusa puèi d'egoïsme e li n'infligís coma càstig la soletat.

Quand se ne desperta lo vièlh professor, çò li ne ditz a Marianne: Mòrt ne soi quitament se vivi encara.Na Marianne çò li'n torna que sas relacions amb lo marit son plan malaisidas e que ne vòl ges ela li donar lo filh qu'aiceste òc-ben-òc voldriá.

Se n'acaba enfins lo viatge qu'arriban a l'ostal d'Evald.

Es l'ora aprèp de la ceremonia de remesa del prèmi amb trompas e campanas amai un discors en latin...

Mentretant, ne va pensarnt Isak que va escriure l'experiéncia d'aicesta jornada, en tot sentir que quicòm dintre el ne cambièt.

Durant la serada, va ensajar de petaçar la nòra amb son filh.

Plan gentet amb la siá sirventa qu'arribèt a Lund en avion, se va acossomir coma un neninon en tot recordar los moments aüroses de l'enfantesa amb davant los uèlhs l'imatge dels sieus dos parents.