Labuschanha
L’ostal de Labuscanha o Labuschanha (en francés Labuscaigne, en afrikaans Labuschagné, en anglés Labuschagne, en japonés ラブスカフニ) es una familha uganauda sortida d’Escassafòrt, en Agenés (Occitània) que prenguèt los camins de l’exili uganaud cap a Olanda puèi a Africa del Sud.
Lo nom de La Buscanha ven d'un masatge de Montcrabèu. L’aujòl Abram Labuscanha, d’Escassafòrt, èra bordièr d'unes Pontacs quand se maridèt a Mont Basalhac e s’establiguèt a Brageirac ont nasquèron los filhs Pèire e Samson. Los dos fugiguèron la persecucions contra los Uganauds. Samson foguèt pres e mandat a las galèras, Pèire arribèt en Olanda ont se maridèt. Lai nasquèt lo filh Joan, qu’en 1711 arribèt al Cap ont faguèt soca.[1] Donèt a son mas lo nom de Pontac en remembrança de son rèire bordièr.
Lo jogaire de rugbi internacional japonés Pieter 'Lappies' Labuschagné (ピーター・ラピース・ラブスカフニ) es un Labuscanha sud-african installat al Japon.