La La Land
|
La La Land
| |
|---|---|
| |
| Realizacion | Damien Chazelle |
| Actors principals | Ryan Gosling Emma Stone John Legend J. K. Simmons |
| Scenari | Damien Chazelle |
| Musica | Justin Hurwitz |
| Fotografia | Linus Sandgren |
| Societat de produccion | Black Label Media Gilbert Films Impostor Pictures Marc Platt Productions |
| Format | Film musical |
| Durada | 126 minutea |
| Lenga(s) originala(s) | anglés |
| País d’origina |  Estats Units
|
La La Land es una film estatsunidenc de 2016, una comèdia dramatica e romantica musicala escricha e dirigida per Damien Chazelle amb los actors Ryan Gosling, Emma Stone, John Legend e Rosemarie DeWitt, sus un musician e una actritz aprendissa que se coneisson e s'enamoran als Angeles. Lo títol utiliza l'expression « La La Land » que designa lo quartièr d'Hollywood a Los Angeles, e al meteis temps una situacion desconnectada de la realitat.
Chazelle escriguèt lo scenari ja en 2010, mas trobava pas cap d'estudi cinematografic que volguèsse la finançar sens tocar sa vision creativa. Fin finala, après lo succès qu'aguèt en 2014 lo film Whiplash, Summit Entertainment acceptèt de lo produire. La La Land foguèt presentat Mòstra de Venècia lo 31 d'agost de 2016. Lo recobrament superèt de fòrça lo còst, de 30 milions de dolars.
Presentat en dubertura de la Mòstra de Venècia en agost de 2016, lo film foguèt plan recebut, e se considerèt un dels melhora de l'an, lo film empòrta un succès critica. Emma Stone obten ela la Copa Volpi de la melhora interpretacion feminina. En genièr de 2017, pendent la 74a ceremonia dels Gòbs d'Aur, La La Land recep un recòrd istoric de set recompensas, abans de recebre catòrze nominacions pels Oscars de 2017, egalant tanben lo recòrd istoric d'Èva (1950) e de Titanic (1997). Emportèt sièis de las estatuetas, coma aquelas del Melhor Realizator per Damien Chazelle e de la Melhora Actritz per Emma Stone, e una dobla consecracion pel compositor Justin Hurwitz (Melhora Musica de Film e Melhora Cançon Originala, City of Stars[1])
Argument
modificarDins un encombrament d'una autorota de Los Angeles, Mia (Emma Stone), una aprendissa actritz e dançaira de bar dins un estudi cinematografic es presa dins un episòdi de provocacion rotièra (Another Day of Sun[1]) amb Sebastian (Ryan Gosling), pianista de jazz. L'audicion que passa mai tard fa fracàs e malgrat tot de vèspre, Mia va amb sos amigas dins una fèsta organizada dins una vila suls nauts de Hollywood Hills (Someone in the Crowd[1]). Volent tornat a çò d'ela, s'apercep que sa veitura foguèt menada a la forrièra (Someone in the crowd[1]). Quand decidís tornar a l'apartament, tròba que la grua se li es emportada la veitura, alara deu tornar en caminant.
Sebastian, pendent una performància dins un restaurant, se daissa anar e fa una improvisacion de jazz fòrça afogat malgrat los desirs del patron (J. K. Simmons) que voliá que jògue de cançon de Nadal. Mia, Que passava per alà, esmoguda per la musica (Mia and Sebastian's theme[1]), e dintra just quand Sebastian que ven d'èsser renviat sortís. Ensaja li far un compliment, mas el la butassa.
Unes meses mai tard, Mia s'encontra amb Sebastian dins una autra fèsta, ont el jòga en un ensemble de cançons pop dels ans 1980, ela se trufa d'el e de sa carrièra estadissa; replica se trufant de sa carrièra d'actritz. A l'acabar de jogar, totes dos van ensemble cercar los veituras, en se planhent d'aver passar la vèspre ensemble, pasmens l'alquimia ven evidenta entre eles (A Lovely Night[1]).
Venguts amics, se fan descobrir lors passions respectivas: Mia mena Sebastian visitar los estudis d'Hollywood; el l'invita dins un club de jazz e declara qu'un jorn tendrà un quite establiment (City of Stars[1]). Sebastian invita Mia a veire lo film La furor de viure; accèpta mas se li es remembrat que ja a un rendètz-vos amb son galant Greg de familiars. Lo vèspre es anujós, fugís e corrís rejónher Sebastian just abans le començament del film. Lor serada s'acaba per una dança dins l'Observatòri Griffith, luòc clau de La Furor de viure (Planetarium[1]). Ala se potonan pel primièr còp.
Après unas audicions mancadas, Mia decidís escriure un espectacle de sola en scèna, seguissent lo conselh de Sebastian. De son costat, Sebastian comença a jogar de biais abitual al club de jazz (Summer Montage[1]) e s'installan ensemble. Keith (John Legend), ancian companh d'estudis de Sebastian, lo convida a èsser lo clavièr de sa benda de jazz. Sebastian, es reticent su l'estil del grop mas incitat per Mia que pensa qu'atal se farà conéisser, decidís pasmens acceptar la proposicion. Mia assistís a un de los sieus concèrts (Start a Fire[1]), e es es plan decebuda que son companh siá pas utilizar plenament per son talent. Sebastian se'n va en virada amb son nòu grop e Mia demòra sola pendent de meses.
Pendent la primièra virada de la benda, Mia desfisa Sebastian, qu'afirma qu'ela voliá aquò e l'acusa de l'amar pas que quand aviá pas succès. Otratjada, Mia se'n va. La nuèch de la primièra del sola en scèna, Sebastian i va pas per causa d'una session fotografica qu'aviá oblidat. I assistisson pas qu'un desenat de personas, e, de la colissa, Mia entendèt de comentaris negatius. Descoratjada, se'n va de Los Angeles e tòrna a l'ostal dels paires, a Boulder City (Nevada).
Un jorn, Sebastian recep un còp de telefòn d'un director de casting qu'aviá assistit al sol en scèna de Mia e li aviá agradat. Alara que lo director de casting convida Mia a se presentar l'endeman lo matin de l'audicion per un film, Sebastian condusís fins a Boulder City, Mia vòl pas de tornar per causa del traumatisme vecut e èsser de nòu umiliada. Pasmens Sebastian capita a la convéncer. A l'audicion, Mia deu solament explicar una istòria, comença en parlant, puèi canta una cançon sus sa tanta, que l'aviá convencuda de venir actritz (Audition/The Fools Who Dream[1]). Segur que Mia capitèt son audicion, Sebastian li conselha de s'ensejar encara al cinèma. Se prometon alara de s'amer sempre, sens saber de çò que l'endeman serà fach.
Cinc ans après, Mia es una actritz famosa e es maridada amb un autre òme (Tom Everett Scott), amb qui a una filha. Una nuèch, lo parelh se tapa dins un bar de jazz. Mia, En vesent que se nomena Seb's, s'apercep que fin finala Sebastian dobriguèt lo sieu club. Sebastian la vei dins lo public e comença a jogar sa cançon (Mia and Sebastian's theme[1]), e comença alaral una sequéncia onírica fòrça longa qu'imaginan çò que se seriá passat se s'èran fachs un poton la primièra nuèch al restaurant, Mia en essent actritz e Sebastian jogant dins un club, e en vivent aüroses amb lo sieu filh. La cançon s'acaba, e Mia e lo marit se'n van, mas abans de partir, Mia e Sebastian partejan un darrièr un sorire complice
Despartiment
modificar- Ryan Gosling: Sebastian Wilder
- Emma Stone: Mia Dolan
- John Legend: Keith
- Rosemarie DeWitt: Laura Wilder
- Finn Wittrock: Greg Earnest
- Jessica Rothe: Alexis
- Sonoya Mizuno: Caitlin
- Callie Hernandez: Tracy
- J. K. Simmons: Bill
- Tom Everett Scott: David
- Meagen Fay: maire de Mia
- Damon Gupton: Harry
- Jason Fuchs: Carlo
- Josh Pence: Josh
Benda sonora
modificarLas cançons e la benda sonora originala de La La Land foguèron compausadas e orquestradas per Justin Hurwitz, companh d'estudis de Chazelle a l'Universitat Harvard amb que aviá ja collaborat dins sos dis films precedent.[2] Las pauralas foguèron escrichas per Pasek and Paul, levat de "Start a Fire", escricha per John Stephens, Hurwitz, Marius De Vries e Angelique Cinelu.[3][4]
Nominacions e de prèmis
modificarLa La Land egalèt lo recòrd de catòrze nominacions als Oscars per un meteis film atengut per Titanic (1997), de James Cameron, e per Tot sus Eva (1950), de Joseph L. Mankiewicz. Emportèt sièis de las estatuetas, coma aquelas del Melhor Realizator per Damien Chazelle e de la Melhora Actritz per Emma Stone, e una dobla consecracion pel compositor Justin Hurwitz (Melhora Musica de Film e Melhora Cançon Originala, City of Stars) .[5]
Als Glòbs d'Aur, La La Land recebèt set nominacions.[6] Las ganhèt totas, e establiguèt aital lo recòrd del nombre de Glòb d'Aur ganhat per un meteis film: melhor film - musicala o comèdia, melhor director, melhor actor (per Gosling), melhor actritz (per Stone), melhor scenari, melhor benda sonora originala e melhor cançon originala (City of Stars).[7]
Als Prèmis BAFTA, recebèt onze nominacions, mai que cap de autre filme de 2016. Coma pel melhor film, melhor actor, melhor actritz, melhor director e melhor scenari original.[8] Ganhèt aqueles del melhor film, del melhor actritz per Stone, del melhor director per Chazelle, de la fotografia melhora e de la melhora musica.[9]
Recebèt doas nominacions als Prèmis del Sindicat d'Actors, que Stone ne ganhèt la de melhora actritz.[10]
Lo film ganhèt tanben uèch prèmis als Prèmis de la Critica Cinematografica, entre autres los seguents: fotografia melhora, melhor director e melhor scenari.[11]
Als Prèmis del Sindicat de Productors, Fred Berger, Jordan Horowitz e Marc Platt recebèron lo prèmi al melhor productor de cinèma del 2016.[12]
Nòtas e Referéncias
modificarNòtas
modificarReferéncias
modificar- ↑ 1,00 1,01 1,02 1,03 1,04 1,05 1,06 1,07 1,08 1,09 1,10 et 1,11 títol de la partida musicala del film
- ↑ Rebecca Reegan.
- ↑ Jason Gay.
- ↑ «‘La La Land’ Soundtrack Details».
- ↑ «Oscars Nominations 2017: The Complete List of Nominees».
- ↑ «Golden Globes 2017: The Complete List of Nominations».
- ↑ Lee, Ashley.
- ↑ Ritman, Alex.
- ↑ Mitchell, Robert.
- ↑ «SAG Awards: The Complete Winners List».
- ↑ «La La Land Leads with 12 Nominations for the 22nd Annual Critics' Choice Awards».
- ↑ «‘La La Land’ Wins Producers Guild’s Top Movie Award (Complete List)».
Ligams extèrnes
modificar- Site oficial
- Modèl:IMDb títol dins Internet Movie Database (anglés)
- Modèl:Tcmdb títol a TCM Movie Database (anglés)
- Modèl:Allmovie títol a Allmovie (anglés)
- Modèl:Mojo títol a Box Office Mojo (anglés)
- Modèl:Rotten Tomatoes a Rotten Tomatoes (anglés)
- Mapa interactiu de las localizacions