Lòt
Lòt (en ebrieu: לוט - [lōṭ]; en arabi: لوط - [lūṭ]) es un patriarca de la Bíblia e de l'Alcoran. Es lo filh d'Aran e lo nebot d'Abraam.
Dins la Genèsi
modificarAprèp que daissèt Ur en companhiá d'Abraam, Lòt arribèt sus las ribas de Jordan. Se separèron: Abraam demorèt dins lo país de Canaan e Lòt davalèt amb sos tropèls cap a la plana de Jordan al tèrma de que èra Sodòma[1]. Pendent las guèrras entre los reis locals, Lòt foguèt pres. Abraam li venguèt al secors e le tornèt a Sodòma[2]. Dieu revelèt a Abraam sa decision de destruire Sodòma e Gomòrra que venguèron luòcs de pervercion. Abraam comencèt alara a intercedir après Dieu per evitar aquela destruccion. «Abraam s'aprochèt e diguèt: «Faràs tanben perir lo juste amb lo maissant? Benlèu i a cinquanta justes dins la vila. Los faras perir tanben? Pardonaràs pas a la vila a causa dels cinquanta justes que son al mitan d'aquela ?»»[3]
L'intercession s'arrèsta sul nombre de dètz justes per salvar Sodòma de la destruccion[4].
Dos ángels arribèron alara a Sodòme, foguèron aculhits per Lòt a çò d'aquel. Los Sodomitas, qu'avian entendut parlar de dos estrangièrs recentament arribats, frapèron a la pòrta de Lòt per ne far encontra amb l'idèa d'aver des relacions sexualas amb aqueles. Lòt aparèt los ángels fins en prepausant sas filhas verges a lors plaça. Demorant a Sodòma, Lòt avertiguèt son pòble del castig que riscava a causa de sa practica de las turpituds e de la sodomia. Son pòble lo foragetèron e lor ciutat deuriá èsser deroïda. Los ángels aduguèron Lòt, sa femna e sas doas filhas fòra de la vila abans sa destruccion. Se refugièron de matin dins una vilòta nomenada Tsòar. Los ángels ordenèron de pas se tornar cap a Sodòma pendent qu'èra deroïda. Malgrat aquò, l'esposa de Lòt mirèt enrè e foguèt cambida en estatua de sal. Ambedoas vilas de la plana foguèron deroïdas. Lòt e sas filhas se refugièron dins una balma del mont[5]. L'istòria de la femna de Lòt, cambiada en estatua de sal per aver regardar enrè, fa pensar als blocs salins de formas estranhas ribejant la mar Mòrta.
Aprèp aver fugit Sodòma, Lòt demorèt doncas sol dins una balma amb sas doas filhas : «L'ainada diguèt a la mai jove: « Lo paire nòstre es vièlh; e i a pas mai d'òmes a l'entorn, per venir cap a nos autres, segon l'usatge de totes los païses. Ven, fasèm beure de vin al paire nòstre, e colcam amb el, per que conservem la raça del paire nòstre».
«Doncas faguèron beure de vin a lor paire aquela nuèit; e l'ainada anèt colcar amb son paire. El s'apercebèt pas quand se colquèt e quand se levèt. L'endeman, l'ainada diguèt a la mai jove: «Si-fat, colquèri la nuèit passada amb lo meu paire; fagam-li beure du vin encara aquela nuèit, e va colca amb el, per que conservem la raça del paire nòstre.»».
«Encara faguèron beure de vin a lor paire aquela nuèit; e la cabdèta colquèt amb el. El s'apercebèt pas quand se colquèt e quand se levèt. Las doas filhas de Lòt foguèron emprenhadas de lor paire. L'ainada enfantèt d'un filh, que nomenèt Moab. Es lo paire dels Moabitas, fins a uèi. La mai jove tanben enfantèt d'un filh, que nomenèt Ben-Amil. Es lo paire dels ammonitas, fins a uèi[6].»
Lòt dins l'Alcoran
modificarEs tanben citat dins l'Alcoran coma un sant profèta.
La situacion de Lòt dins l'Alcoran es gaireben la meteissa que dins la Gènesi.
«E Lòt, quand diguèt a son pòble: «Vos liuratz a aquela turpitud que degun, dins los mondes, cometèt abans vos autres[7]?»» «Rai, satisfatz vos desirs carnals amb los òmes al luòc de las femnas ! Sètz un pòble plan otrancièr[8].»
Dieu envia de messatgièrs solament per avertir del castig terrible per un pòble. «E fasèm pas perir de ciutat abans qu'aguèt d'avertiments[9].»
Sa femna avent denonciat l'arribada dels invitats (ángels) als abitants e essent complice podèt pas escapar al castig.
«Alara [los òstes] diguèron: «Ò Lòt, siam vertadièrament los emissaris de ton Senhor. Jamai poiràn t'aténher. Partís amb ta familha dins un moment de la nuèit. E que degun de vosautres se torna enrè. Excepcion facha de la teuna femna que serà tocada per çò que pertocarà los autres. Çò que los menaça s'acomplirà a l'alba. Es pas prèpa l'alba?» Sa femna e los abitants foguèron exterminats pels ángels per causa dels actes omosexuals qu'exerciguèron entre ele coma mejan de plaser e de distraccion, anant fins a violar los novèls venguts de lor vila[10].»
De notar que l'istòria de la balma es pas contada dins l'Alcoran.