Khoms

Khoms (arab: الخمس) es una vila portuària del nòrd-oèst de Libia e lo cap luòc de la chabiyat d'Al Morqob. Se situa a 120 quilomètres a l'èst de Trípol dins la region istorica de la Tripolitània. Lo celèbre site arqueologic de Leptis Magna se trapa a un pauc mai de tres quilomètres de la vila. Sa populacion èra de 202 000 abitants en 2009.

Istòria

Khoms foguèt fondada pels Turcs de l'Empèri Otoman al sègle XVI. Comencèt a venir importanta al sègle XIX, quand son pòrt comencèt a exportar l'alfa. Se desvolopèt pendent lo periòde de colonizacion italiana (1911-1943).

Dins periòde d'estabilitat lo pòrt fa comerci del ton, l'exportacion dels dàtils e de l'òli d'oliva. Khoms es tanben conegut per sas fabrica de sabon. Tanben mena lo torisme mercé al site de Leptis Magna, inscrich al patrimòni mondial en 1982.

La vila se rebelèt pendent la revòlta libiana de 2011.

Personalitat

Khoms es la vila natala del pintre Mario Schiffano (1934-1998) del vam d'Andy Warhol.