Espart

Stipa tenacissima

Macrochloa tenacissima

Classificacion

Règne	Plantae
Division	Magnoliophyta
Classa	Liliopsida
Òrdre	Cyperales
Familha	Poaceae
Genre	Stipa

Nom binominal

Stipa tenacissima
L.

Classificacion filogenetica

Classificacion filogenetica

Òrdre	Poales
Familha	Poaceae

L'espart o alfa (de l'arab halfa), estipa tenaça es una planta erbacèa vivaça de la familha de las poacèas, originària de las regions aridas de l'oèst del bacin de la Mediterranèa, que servís entre autre a fabricar de papièrs d'impression de qualitat. Aquesta planta es a l'origina dau quartier marselhés dau Valon deis Aufas, famós per la preséncia d'aufiers especializats per la cordariá dei batèus.

Per extension, lo tèrme designa lo papièr fabricat amb aquela planta.

Nom scientific: Macrochloa tenacissima (Loefl. ex L.) Kunth (synonyme : Stipa tenacissima L.), familha de las poacèas, sosfamilha de las Pooideae, tribú de las Stipeae.

Descripcion

L'espart fa de matas de gaireben un mètre de naut, formant de vasts espandiments dins las regions d'ariditat mejana.

Distribucion

Aquela espècia es originària de l'Oèst del bacin mediterranèu: en Africa del Nòrd del Marròc a la Libia, e Euròpa del Sud (Espanha, Itàlia).

L'espart cobrís per exemple de vastas zonas dels nauts plans argerians.

Utilizacion

Las grainas en grelhada se pòdon majar per l'òme.

Las fuèlhas mai joves d'espart fan de pasturas pel cavals, les dromedaris, mas la planta tròp rica en lignina pòt pas servir pels autres erbivòrs.

L'espart es una planta utilizada per sas fibras. Se'n fabrica una pasta de papèl reputada. Las fibras venent de sas fuèlhas pòdon, un còp filaldas, s'utilizar per realizar de còrdas. Al prima, la fuèlha es teissida per confectionar d'objèctes de espartariá: panièrs, coufins...

Aquela a tanben un interés ecologic per lutar contra l'erosion dins las regions d'estepas aridas.