Josiana Ubaud

Josiana Ubaud (en francés Josiane Ubaud; Marselha, 10 de mai de 1947) es una lingüista (especializada en lexicografia e gramaticografia) e una botanista occitana. Es l'autora de doas òbras essencialas per la coneissença de l’occitan modèrne, lo Diccionari ortografic, gramatical e morfologic de l'occitan e lo Diccionari scientific francés-occitan.

Josiana Ubaud

Biografia
Naissença	10 de mai de 1947  (77 ans) Marselha
Donadas personalas
Nacionalitat	francesa
Activitat
Profession	lingüista, botanista, lexicografa
Trabalha per	Gidilòc
Òbras principalas	Diccionari ortografic, gramatical e morfologic de l'occitan

Biografia

Josiana Ubaud foguèt professora de matematicas durant 8 ans abans de s'avodar a la lexicografia occitana aprèp d'èsser tornada en país occitan en 1990. Foguèt responsabla, amb Patric Sauzet, del Gidilòc de 1991 a 2003. Es tanben formadora en etnobotanica a l'IUFM. Es intervenguda dins fòrça programas de ràdio (Divergence FM e France Culture) per i parlar de botanica. Es membre del conselh lingüistic del Congrès Permanent de la Lenga Occitana e escriu d'articles d'opinion dins lo jornal electronic Jornalet.

Òbras

• Lexic Provençau de Botanica, IEO 13 (1986)
• "Faire de la botanica en occitan", dins Actes de l'UEO, Nimes (1992).
• "La vegetacion mediterranèa", dins Lenga e País, n°25 : CRDP, Montpelhièr, 1992.
• L'ensalada champanèla, les salades sauvages, obratge collectiu, 2nda edicion, Les Ecologistes de l'Euzière, Pradas de Les (1994).
• Lo vèrb Occitan, guida completa de conjugason, amb Patric Sauzet, Edisud (1995).
• "Lei noms occitans d'origina araba" dins Aquò d'Aquí (1995).
• "Lexicografia occitana" dins Lenga e País d'òc n° 30, CRDP de Montpelhièr (1996).
• Des arbres et des hommes Edisud (1997).
• "Problèmas de nòrma" dins Lenga e País d'òc n° 33, CRDP de Montpelhièr (1998).
• Lo lengadocian/provençau, dialècte(s) de referéncia ? 10/09/2011 (en linha)
• Occitan… e grafia « arcaïca »/Lengas d’òc… e « grafié moudèrno » 10/09/2011 (en linha)
• Pensabèstia ortografic. 26/02/2013. (en linha)
• Violéncias de lenga, violéncias fachas a la lenga 31/12/2013 (en linha)
• Orrors lexicalas ensenhadas 24/01/2014 (en linha)
• Diccionari ortografic, gramatical e morfologic de l'occitan. Canet de Rosselló: Trabucaire. 2011. ISBN 978-2-84974-125-2. Rectificacions en linha: http://www.josiane-ubaud.com/Fautas%20Dicort.doc (2015)
• Escrichs sus lei femnas, Escrichs de femnas... o pichon lexic illustrat de la misoginia ordinària. Besièrs: IEO de Lengadòc. 2012. ISBN 978-2-85910-506-8.
• Diccionari scientific francés-occitan: matematica-informatica-fisica-tecnologia-quimia (lengadocian e provençau). Lo Crèç: Nerta edicion. 2014. ISBN 978-2-9549771-0-2.
• Usage des mots oc, occitan, Occitanie à travers les âges. 27/03/2023 (en linha)
• Diccionari ortografic, gramatical e morfologic de l'occitan. Valença: Vent Terral. 2022. ISBN 978-2-85927-129-9. Segonda edicion corregida e espandida, en tres volums.
• La ROMÈCA OCCITANOFÒBA, Cònte acide e risolier. L'aucèl libre, 2024. ISBN 978-2-917111-83-3.

Ligams extèrnes

• Sit personau de Josiana Ubaud