Joan Psycharis

Joan Psycharis (en grèc Γιάννης Ψυχάρης = Giannis Psycharis, en francés Jean Psychari), nascut en 1854 e mòrt en 1929, foguèt un lingüista grèc mai tanben ucraïnian de naissença, puei occitan e francés d'adopcion. Foguèt un autor e un promotor dau grèc modèrne dins sa varietat usuala, la dimotikí.

VidaModificar

Psycharis nasquèt d'una familha grèga a Odessa, en Ucraïna, dins l'estat de la Russia imperiala, en riba de la mar Negra.

Psycharis visquèt dins sa joventut a Marselha, puei durant la màger part de sa vida restèt a París ont l'empleguèron coma professor.

Lo concèpte de diglossiaModificar

Es celèbre per aver creat en 1928 lo tèrme diglossia[1], que descriu la coexisténcia inegalitària de doas varietats lingüisticas dins una meteissa societat. Es vengut un concèpte fondamentau de la sociolingüistica a partir deis ans 1960.

Lo desvolopament dau grèc modèrneModificar

Psycharis tanben trabalhèt enormament per promòure lo grèc modèrne dins sa varietat usuala, la dimotikí, en oposicion amb la varietat arcaïzanta de la katharevousa qu'èra sola oficiala a aquela epòca. Dempuei 1976, la dimotikí a remplaçat la katharevousa dins l'usatge oficiau. L'òbra de Psycharis a laissat de traças dins la dimotikí actuala.

Psycharis prepausèt una ortografia que foguèt jamai adoptada largament, maugrat divèrs assais per la metre en circulacion durant lo sègle XX. Dins l'usatge orau de la dimotikí, prepausèt de privilegiar lei formas popularas e d'evitar lei formas tròp ancianas. Una partida de sei proposicions son restadas dins lo grèc estandard actuau, basat sus la dimotikí, e mai se i trobam tanben de formas classicizantas. Un celèbre manuau d'aprendissatge dau grèc per començaires, Ellinika Tora ("lo grèc ara"), utilizèt certanei suggessions de Psycharis coma ρ (r, rò) en luòc de λ (l, lambda) dins certanei mots qu'an conegut una evolucion fonetica populara, per exemple αδερφός = aderfos "fraire" en luòc de la forma classicizanta αδελφός = adelfos. Lo grèc estandard actuau accèpta pasmens lei doas formas per d'aqueu mot.

ÒbrasModificar

  • PSYCHARIS Joan = PSICHARI Jean (1928) “Un pays qui ne veut pas de sa langue”, Mercure de France CCVII: 63-121

NòtasModificar

  1. Psycharis, Joan = Psichari, Jean (1928) “Un pays qui ne veut pas de sa langue”, Mercure de France CCVII: 63-121