Joan Pau Verdier

Joan Pau Verdier es un chantaire occitan de Peirigòrd nascut lo 1 de belier de 1947 a Peireguers, e mòrt lo 20 de junh de 2020. Fuguet un daus mai coneguts de la reviscolada de la chançon occitana dins los ans 1970, fenomèn sonat Nòva Chançon (coma d'autres chantaires coma Claudi Martí, Patric, Maria Roanet, Mans de Breish...) parallèl a la Nova Cançó catalana.

Òbra

Tanben fuguet un daus prumiers a estre editat per n'ostau de produccion nacionau (Philips) en 1973 emb lo disc Occitània sempre. Queu contracte emb Philips faguet un pauc polemica dins lo mitan occitanista, qu'a quela epòca qu’era considerat per quauqu’uns coma vendre son eime au diable parisenc…

Auei quela mentalitat es 'chabada e beucòp d’artistas occitans voldrián signar sus un label de dimension estatala, mas ben pauc zo pòden far ! Joan Pau Verdier contunha sa carriera; en particular, a revirat en lemosin de las numerosas chançons dau Léo Ferré e anima tots los diumencs a miegjorn n’emission occitana sus France Bleu Peirigòrd, quò se 'pela "Meitat chen, meitat pòrc" (en companhiá dau Marçau Peironin).

Escriguet la benda originala dau filme Istòria d'Adrian, de Joan Peire Denis.

Discografia

• Occitània Sempre, 33t. : Philips, 1973.
• L'Exil, 33t. : Philips, 1974.
• Faits divers, 33t. : Philips, 1975.
• Vivre, 33t. : Philips, 1976.
• Tabou le chat, 33t. : Philips, 1977.
• Les nuages dans la tête, 33t. : Philips, 1978.
• Apollinaire Street, 45t. : Philips, 1979.
• Le Chantepleure, 33t. : Philips, 1980.
• Ballade d'Adrien, 45t. : Philips, 1981.
• Machita, 45t. : Philips, 1982.
• Plus rien à perdre, 45t. : Philips, 1983.
• Cinquième Saison, 33t. : Scalen'Disc, 1987.
• Pirouettes : Revolum, Concors Medias, 1992.
• Joan-Pau Verdier, les grandes chansons : Licence Phonogram, 1993.
• Vint ans aprèp : Revolum, Concors Media 7, 1993.
• Veilleur de sud, CD, 1996.
• La mémoire et Ferré, CD, 1996.

Ligams videografics

• 

• [1]

• • sus YouTube... mai de 21 documents subre en Joan Pau Verdier en picar coma clau Joan Pau Verdier