Joan Frederic Brun

Joan Frederic Brun (en francés: Jean-Frédéric Brun, Montpelhièr, 6 de febrièr de 1956) es un escrivan contemporanèu occitan originari del país de Montpelhièr. Es tanben mètge d'espital e cercaire.

Joan Frederic Brun

Biografia
Naissença	6 de decembre de 1956  (67 ans) Montpelhièr
Donadas personalas
Nacionalitat	Francesa
Activitat
Profession	escrivan, mètge e poèta
Prèmis
(2007)  Prèmi Joan Bodon  prèmi Pau Froment

Biografia

Joan Frederic Brun nasquèt a Montpelhièr en 1956. Pivelat tre l'adolescéncia per la lenga occitana, s'avodèt a la trabalhar e a l'estudiar de contunh. Aital comencèt a publicar d'òbras tre 1979, çò que li valguèt un acuèlh estrambordat de divèrses escrivans famoses coma Max Roqueta e Bernat Manciet. Collaborava ja a la revista Òc dempuèi 1974.

Èra plan pròche del poèta e escrivan d'Argelièrs d'Erau, Max Roqueta e foguèt un dels fondadors d'una associacion Amistats Max Roqueta que son prètzfach es de far conéisser l'òbra d'aquel grand escrivan occitan. Consacra un sit internet "Montpelhièr l'occitana" a la presentacion del sosdialècte montpelhieirenc del lengadocian (vocabulari - amb de lexics - e produccion literària). Mai recentament a mes en linha un sit en anglés per far conéisser mai largament la poesia occitana: "occitan poetry". Es dempuèi decembre de 2008 president del PEN-club de lenga d'òc

Es secretari de la Societat Internacionala d'Emoreologia Clinica e s'interèssa activament a l'espeleologia.

Bibliografia

• Lo retrach dau dieu Negre (roman fantastic) (1986)
• Setembralas (roman)(1992)
• Lo temps clar de las encantadas (nòvas) (2005)
• Luònh (narracion) (2006)
• Ciutats dins l'Azur (recuèlh de nòvas de 2009)
• Las que dançavan dins la lutz (2012)
• Flors d'errança (2017)
• Lo bales dialectic (un libre de lenga e de cultura occitana montpelhierenca)
• Lo viatge de Xlo (roman de sciéncia-ficcion), Orthez, Per Noste, 2021 (ISBN 978-2-86866-158-6)

Recuèlhs de poèmas :

• Estius e Secaresas (recuèlh de poèmas de 1979)
• Lo doç esglai (recuèlh de poèmas de 2003)
• Legendari de las despartidas / Légendaire des départs / Legends of departure, (occitan, francés, anglés), Montpeyroux, Jorn, 2009 (ISBN 978-2-905213-35-3)
• Flors d'errança / Wandering flowers / Fleurs d'errance (occitan, anglés, francés), Montpeyroux, Jorn, 2017 (ISBN 978-2-905213-49-3)

Vejatz tanben

• Montpelhierenc

Ligams extèrnes

• Autobiografia de l'autor sus son sit MONTPELHIÈR L'OCCITANA
  
• OCCITAN POETRY
  
• Son sit professional amb sas publicacions scientificas
  

Referéncias

Lengadòc